Pagdukot ng ISIS sa 4 Pinoy nurses itinanggi ng DFA (Sa Libya )

PINABULAANAN ng Department of Foreign Affairs (DFA) ang ulat na may apat na Filipino nurses na dinukot sa Sirte, Libya.

Ayon kay DFA Spokesperson Charles Jose, bineripika ng Embahada ng Filipinas sa Tripoli ang kumalat na impormasyon at nabatid na hindi kinidnap ang apat.

“They were actually taken from their accommodation to a safer place, and our charge d’affaires in our embassy has actually talked to one of them and they said they are safe,” ani Jose. “So the report is false.”

Kaibigan aniya na nag-aalala sa kaligtasan ng mga Filipino ang nagdala sa kanila sa mas ligtas na lugar. “‘Yung nakakita akala they were kidnapped.”

Una rito, lumabas sa ilang report na kabilang ang ilang Filipino sa 20 medical workers na kinidnap ng ISIS militants.