Taas-sahod sa public sector employee inihain ni Trillanes

INIHAIN ni Senador Atonio Trillanes IV, chairman ng Senate Committee on Civil Service and Government Reorganization, ang panukalang batas para itaas ang suweldo ng mga kawani ng gobyerno kasama ang uniformed personnel.

Layunin ng Senate Bill 2671 o salary standardization law 4, na itaas ang base pay ng mga nasa salary grade 1 hanggang salary grade 30 sa level ng presidente

Kapag naging batas, ang base pay ng mga nasa salary grade 1 ay itataas sa P16,000 mula P9,000 kada buwan.

Habang ang base pay ng mga uniformed personnel kada buwan ay itataas sa P23,200 para sa bagong pasok na sundalo habang ang suweldo ng 4 star general ay aakyat sa P550,000.

Kombinsido si Trillanes na sa pamamagitan ng dagdag sa suweldo ng P1.7 milyon kawani ng gobyerno ay mahihimok silang pagbutihin pa ang trabaho.

Naniniwala rin si Trillanes na pangontra ito upang hindi matukso ang mga empleyado ng gobyerno sa tukso ng katiwalian at upang hindi mahimok ang mga kawani na mangibang bansa.

Cynthia Martin