Titser sinaksak sa ari ng rapist (Sa Negros Occidental)

BACOLOD CITY – Nilalapatan ng lunas sa ospital ang isang public school teacher sa bayan ng Manapla, lalawigan ng Negros Occidental makaraan saksakin ng lalaking tangkang gumahasa sa kanya kamakalawa.

Ang biktima ay 25-anyos ginang at may dalawang anak.

Ayon sa asawa ng biktima, nakalimutan ng kanyang misis na isara ang pintuan ng kanilang bahay habang nagpapatulog ng kanilang anak kaya’t pinasok ng suspek sa kanilang silid kamakalawa ng hapon.

Habang tinututukan ng kutsilyo, inutusan ng suspek ang biktima na makipagtalik sa kanya.

Lumaban ang biktima kaya’t nagalit ang suspek. Sinuntok siya sa tiyan at sinaksak ng dalawang beses sa ari at ginilitan din sa ilong bago tumakas ang suspek.

Ang biktima ay isinailalim na sa operasyon sa Corazon Locsin Montelibano Memorial Regional Hospital sa lungsod ng Bacolod.

Patuloy na pinaghahanap ng mga awtoridad ang suspek na tumakas lulan ng motorsiklo.