Monday , May 6 2024

Hacienda Binay inikot ni Trillanes (Media kasama)

MAKARAAN ang mga aber-ya, natuloy rin ang pag-iikot ni Sen. Antonio Trillanes IV at ilang kawani ng media sa sinasabing Hacienda Binay sa Rosario, Batangas.

Tumagal ng dalawang oras ang pag-iikot ni Trillanes sa loob ng Sunchamp Agri-Tourism Park bagama’t may ilang bahagi nito na hindi pinayagang masilip.

Kabilang sa mga nalibot ni Trillanes at mga miyembro ng media ang pamosong maze garden na sinasabing ginaya pa sa mga hardin ng mga Royal Family sa Europa. Nakita rin ang pavillion, man-made lagoon, orchids garden, at iba pa.

Habang hindi pinayagang mapasok ang babu-yan dahil kailangan pang magpaalam sa rumerenta rito at may mga protocol na dapat sundin.

Sa panayam kay Trillanes, aminado ang senador na walang direktang makikitang bakas ni Binay sa sinasabing hacienda bagama’t marami aniya silang ibang ebidensyang magpapatunay nito.

“Nakita natin with our own eyes kung ano talaga ang itsura ng Hacienda Binay, itong karangyaan nitong lugar na ito,” sabi ng mambabatas. “Dito mo makikita kung ano talaga ‘yung personalidad nung tao, ‘yung pagbabalat-kayo na siya ay mahirap, kulay mahirap pero ‘yun pala meron siyang tagong lugar kung saan inilalabas niya ‘yung karangyaan niya.”

Tila may pahiwatig ang senador sa kung ano pa ang kanyang ibubulgar sa susu-nod na pagdinig ng Senate Blue Ribbon sub-committee.

“Sa mga darating na araw maiintindihan ninyo kung bakit tayo pumunta rito,” dagdag ni Trillanes.

Ang Sunchamp Agri-Tourism Park ay sinasabing pag-aari talaga ni Binay bagama’t ginagamit si Antonio Tiu para pagmukhaing ang negosyante talaga ang may-ari ng ekta-ektaryang lupain.  (HNT)

Debate nina Binay, Trillanes ikinakasa ng KBP

IKINAKASA na ng Kapisanan ng mga Brodkaster ng Pilipinas (KBP) ang one-on-one debate nina Vice President Jejomar Binay at Senador Antonio Trillanes.

Sinabi ni KBP Chairperson Jun Nicdao, nakikipag-ugnayan na sila sa magkabilang panig para itakda ito.

Matatandaan, inihayag ni Binay ang hamon kay Trillanes sa isang event ng KBP noong Martes, at ang bise presidente na rin ang humirit na ang KBP ang mag-sponsor nito. Agad kumasa si Trillanes sa debate.

Ayon kay Nicdao, kabilang sa isasangguni nila kina Binay at Trillanes ang lugar, petsa, format at moderators sa debate. Inaasahan aniya nilang mapaplantsa ito sa lalong madaling panahon.

Nauna rito, iminungkahi ng kampo ni Binay na isagawa ang debate sa Philippine International Convention Center (PICC) sa Nobyembre 10.

Sabi ni Nicdao, “Ang gusto nga natin as soon as possible… Pwedeng mangyari ito next week kung pumayag silang dalawa or the week after next.”

Nag-ugat ang girian nina Binay at Trillanes sa alegasyong katiwalian laban sa bise presidente.

Cynthia Martin/Niño Aclan

About hataw tabloid

Check Also

electric wires

10 tirador ng kableng tanso naaktohan sa pangungulimbat

SA MABILIS at koordinadong operasyon kahapon ng madaling araw, Huwebes 2 Mayo 2), matagumpay na …

Bea Alonzo Cristy Fermin Ogie Diaz

Bea Alonzo naghain ng kasong cyber libel vs Cristy Fermin, Ogie Diaz

SINAMPAHAN ng tatlong magkahiwalay na cyber libel sa Quezon City Prosecutor’s Office ni Bea Alonzo …

050324 Hataw Frontpage

Cedric Lee, Deniece Cornejo, 2 pa
RECLUSION PERPETUA IPINATAW vs KIDNAPPERS NG ACTOR/HOST

(ni NIÑO ACLAN) PINATAWAN ng parusang reclusion perpetua o  habangbuhay na pagkabilanggo sina Cedric Lee, …

IBP Integrated Bar of the Philippines

 IBP to Hold the 20th National Convention of Lawyers Next Year

The Integrated Bar of the Philippines announced yesterday the holding of the 20th National Convention …

Bulacan Police PNP

Sa Bulacan
MWP, ILLEGAL GUN OWNER, KAWATAN NG MOTOR NASAKOTE

ARESTADO ang tatlong indibiduwal na pawang lumabag sa batas sa sunod-sunod na operasyon na isinagawa …

Leave a Reply

Your email address will not be published. Required fields are marked *