HATAW! D'yaryo ng Bayan hatawtabloid.com
PATAY ang isang 28-anyos sinasabing hustler sa cara y cruz nang barilin sa ulo habang nagsusugal ng hindi nakilalang suspek sa Port Area, Maynila kamakalawa.
Agad binawian ng buhay ang biktimang si Francisco Tepase, ng #60 Bgy. 649, Block 5, Old Site, Baseco Compound, Port Area, Maynila.
Habang mabilis na tumakas ang suspek makaraan ang pamamaril.
Ayon sa imbestigasyon ni SPO1 Rommel del Rosario, nangyari ang insidente dakong dakong 1 p.m. sa seawall at harapan ng isang outpost sa nabanggit na lugar.
Nabatid na nang manalo ang biktima sa sugal ay nilapitan ng suspek at pinagbabaril.
Sa imbestigasyon, kilala sa lugar na hustler sa cara y cruz ang biktima at wala silang alam na atraso para siya ay patayin
Patuloy na nagsagawa ng imbestigasyon ang pulisya hinggil sa nasabing insidente.
(LEONARD BASILIO, May dagdag na ulat si John Bryan Ulanday)
