HATAW! D'yaryo ng Bayan hatawtabloid.com
NATAGPUANG wala nang buhay ang bagong-anak na sanggol sa isang bakanteng lote sa Brgy. 86, Caloocan City kamakalawa.
Nakakabit pa ang pusod sa katawan ng sanggol na babae katabi rin ang placenta.
Ayon sa mga residente, nakarinig sila ng iyak ng sanggol dakong madaling-araw habang umuulan.
Agad nagtungo ang mga opisyal ng barangay sa kalapit na bahay at natagpuan ang duguang babae na kinilalang si Angelica Argana, 19, ng #139 Kalaanan St., Brgy. 86 ng nasabing lungsod, ngunit itinangging anak niya ang sanggol.
Ngunit kalaunan ay nagtungo sa barangay hall ang babae at inamin na iniwan niya ang sanggol sa labas at hinayaang mamatay.
Idinagdag niyang nagsinungaling siya dahil siya ay natatakot.
Agad dinala sa pagamutan ang suspek upang malapatan ng lunas.
Ayon sa mga awtoridad, ang suspek ay nakatakdang kasuhan ng parricide.
(ROMMEL SALES)
