P62.3-B dev’t projects aprub kay PNoy, NEDA

MASAYANG nakipagkwentohan si Pangulong Benigno Aquino III sa Australia and New Zealand Banking Group Limited (ANZ) Board of Directors, sa pangunguna nina Group Chief Executive Officer Michael Smith at Group Chairman David Gonski, sa courtesy call sa President’s Hall Receiving Area ng Malacañang Palace kahapon.
(JACK BURGOS)

INAPRUBAHAN ni Pangulong Benigno “Noynoy” Aquino III at ng National Economic and Development Authority (NEDA) ang siyam naglalakihang proyekto sa sektor ng infrastructure, transportation, water supply at health care na nagkakahalaga ng P62.3 bilyon.

Kabilang sa naaprubahan ng NEDA Board ay ang P18.7 bilyon Kaliwa Dam project at P5.8 bilyon Angat Dam water transmission project.

Saklaw ng proyekto ang mga bayan ng Tanay, Antipolo at Teresa sa Rizal province habang sa General Nakar at Infanta sa Quezon province.

Ang Angat Dam water transmission project ay popondohan ng 60 million-dollar (P2.7 billion) Asian Development Bank (ADB) loan na layuning ayusin ang Angat raw water transmission system.

Sa Bohol na sinalanta ng malakas na lindol, itatayo ng National Irrigation Administration (NIA) ang Malinao Dam Improvement Project na gagastusin ng P653 milyon.

Habang pangungunahan ng DoTC ang implementasyon ng Cebu bus rapid transit project na magpapabuti sa mass transport facility o system sa Cebu City metro-polis at ito’y popondohan ng P10.6 bilyon.

Nakatakda rin i-upgrade ang Busuanga airport sa Palawan mula sa kasalukuyang turbo-prop papuntang jet-capable airport at paglalaanan ng P4.1 bilyon mula sa general appropriations ng Department of Transportation and Communications (DOTC).

Naaprubahan na rin ang bidding sa LRT 2 operations and maintenance project na nagkakahalaga ng P16.5 bilyon.

(ROSE NOVENARIO)