HATAW! D'yaryo ng Bayan hatawtabloid.com
IPINA-SUBPOENA ng Supreme Court (SC) sa pamamagitan ng binuong adhoc committee, si Arlene Angeles-Lerma o tinaguriang ‘Ma’am Arlene’ para magsilbing resource person sa imbestigasyon sa pagiging broker ng mga kaso sa hudikatura.
Ayon kay Associate Justice Marvic Leonen, chairman ng investigating committee, mananatiling confidential ang lahat ng isinasagawa nilang deliberasyon.
Layunin aniya na mabigyan ng pagkakataon ang mga ipinatatawag na resource persons na maidepensa ng kanilang sarili.
Napag-alaman na kabilang sa binuong komite para sa imbestigasyon sina dating Justice Alicia Austria Martinez, at Justice Romeo Callejo, Jr.
Lumutang ang pangalan ni Arlene makaraan ang kontrobersyal na halalan sa Philippine Judges Association (PJA) noong Oktubre 2013.
Hataw News Team
