HATAW! D'yaryo ng Bayan hatawtabloid.com
PINAG-IINGAT ng mga awtoridad ang mga residente sa isang subdibisyon sa Malabon City, laban sa limang lalaki na nagkukunwaring jogger ‘yun pala’y naghahanap ng hoholdapin tulad ng nangyari kahapon ng ma-daling araw.
Salaysay ng biktimang si Ladie Alberio, 40-anyos, stay-in tauhan ng Ecoshield Company sa Kingsborough Subdivision, Brgy. Panghulo, dakong 3:00 ng madaling araw nang maganap ang panghoholdap.
Nagroronda umano siya sa binabantayang compound habang nakaparada sa kalsada ang kanilang service van na may lamang mga paninda, nang lumapit ang lima lalaki na naka-jogging get-up.
“Pare, ‘wag ka lang gagalaw, magpakabait ka lamang at hindi ka masasaktan,” ang sabi sa kanya ng isa sa limang suspek habang ang isa ay tinutukan siya ng patalim sa tagiliran sabay deklara ng holdap.
Isa sa lima ang pilit na hinahanap ang susi ng van pero wala sa biktima kaya kinuha na lang ang kanyang cellphone, alahas at P300 cash saka mabilis na tumakas. (rommel sales)
