HATAW! D'yaryo ng Bayan hatawtabloid.com
ALAM MO NA!
ni Nonie Nicasio
MAGBABALIK sa mundo ng showbiz ang sexy actress na si Amor Lapus na pansamantalang nawala sa eksena for health reasons.
Ito ang nabanggit sa amin ng napaka-hot na talent ni Jojo Veloso, “Dahil po need ko ingatan ang health ko, nagkaroon po kasi ako ng acid reflux na kailangang ipahinga. Bale naging praktikal lang din po ako sa sobrang sipag ko po magtrabaho kahit sa gabi… Tapos umiinom po ako, nakikispagabayan po ako hanggang sa nagkasakit ako at nagkaroon ng acid.
“Actually, one time ay muntik na po akong mahimatay at naospital po sa Makati Med. Nagbayad po ako ng malaking bill din galing sa savings account ko. Iyong pinaghirapan ko, pinang-hospital ko rin po kasi wala naman pong iba akong aasahan at ako lang, sarili ko lang ang aasahan ko para makaahon sa hirap po.”
Inusisa rin namin ang mga nagawa niyang pelikula noon sa Vivamax.
Pahayag ni Amor, “Isa po rito ay Boso Dos, directed by Jon Red. Starring sina Vince Rillon, Michaela Raz, Gold Aceron, at AJ Oteyza. Then iyong Balik-Taya directed by Roman Perez na tampok po sina Azi Acosta, Angeli Khang, Benz Sanggalang, Kiko Estrada, at Lou Veloso.
“Tapos po iyong Lovely Ladies Dormitory, directed by Mervyn Brodial na tampok po sina Andrea Garcia, Hershie de Leon, Tiffany Grey, Julia Victoria, Yen Renee, at Shirley Fuentes.”
Ano ang pinaka-daring project na nagawa niya?
“Daring project for me ‘yung Boso Dos, kasi po iyon ‘yung una kong ginawa na talagang kailangan kong ipakita sa camera na magaling akong umarte, magaling akong magseksi na proyekto at sina Vince and AJ ‘yung nagkaroon kami ng scene na talaga namang all-in… siyempre ay ginagabayan ako ng leading men ko rito. Nandoon ‘yung kung okay lang ba sa akin ang ganito, okay lang ba ang gagawin nila, etcetera…
“Bale, nagpapaalam po muna sila kung aware ako o disagree ako sa kanilang mga gagawin, dahil bilang babae ay inirerespeto nila ako. Ako naman po, para sa ikakaganda ng movie ay okay lang po iyon sa akin.”
Nabanggit din niya ang idol na sexy actress.
Wika ni Amor, “Si Rosanna Roces po, versatile actress siya, prangka, magaling umarte, at actress talaga. Kaya paborito ko siya at walang halong kiyeme-kiyeme rin kasi siya, kumabga ay totoong tao po siya.
“Sobrang grabe ang kasikatan niya noon dahil mahusay talaga si Ms. Osang. Naaalala ko pa sa kanya noon, na agaw-eksena ang mga super-daring magagandang kasuotan niya sa award’s night.”
