HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ANG OPM singer at socmed personality na si Jojo Mendrez ay napapadalas ang pag-trending at ang latest ay dahil sa pamumudmod niya ng pera sa mga nakakasalubong sa escalator.
Nang una ko nga itong napanood sa FB ay nagulat ako and sure kami na mas nagulat ang mga masuwerteng madlang pipol na bigla na lang inabutan ng dating ni Jojo habang nasa escalator.
Patok na patok nga ang bagong season ng ‘EsCashLator’ ng kilalang recording artist/businessman.
Suwerte talaga ang mga nabiyayaan ng grasya dahil naglalakad lang sila, then biglang-bigla ay naaabutan na sila ng datung.
Kitang-kita nga ang reaksiyon ng mga nabigyan ng instant na biyaya from Jojo, na ang iba ay gusto sanang suwertehin talaga para makapag-uwi rin ng instant na biyaya from Jojo.
Pero ang siste talaga, dapat ay nagkataon na nagkasalubong sila at nagkalapit ang kamay ni Jojo sa kamay ng kung sino man ang mapalad na mabibiyayaan, sabay sasabihan niya ng ‘Libre Ko Na ‘To’!
Actually, in na in ngayon si Jojo dahil ang isa pang nasagap namin ay ang viral ngayon na video ni Jojo, na napatitig at natulala kay Joshua Garcia.
Nangyari ito sa 37th Star Awards for TV na nag-present ang Revival King ng trophy para sa Male and Female Celebrity of the Night.
Ang napiling Male Celebrity of the Night ay si Joshua at ang nag-announce ng winner ay si Jojo. Nahuli sa camera na natulala siya nang makaharap nang face-to-face si Joshua at inabot niya ang cash prize.
“Hindi ako nakapagkamay at nakapag-congrats dahil hawak ko ang mic, pero nag-try siya na kamayan din ako,” sambit ni Jojo.
May mga netizen naman na nagsabi na bukod sa natulala ay kinilig din daw si Jojo.
Matatandaan na si Jojo ang na-link noon kay Mark Herras na nagkaroon ng kontrobersiya at ganoon din kay Ranier Castillo.
Incidentally, nakakuha rin ng award si Jojo that night bilang Trending Social Media Personality.
