Ortigas Malls engrandeng pagsalubong sa Easter Sunday magaganap

NAGLABAS ng Holy Week mall hours ang Ortigas Malls para sa mallgoers, bilang paggunita sa Mahal na Araw sila ay sarado sa Huwebes at Biyernes Santo habang may engrandeng pagsalubong naman ang magaganap sa Easter Sunday sa GH Mall, Estancia Mall, Tiendesitas, The Strip, at Circulo Verde.

Bukas ang mga malls mula 10:00 AM – hanggang 10:00 PM ngayong Lunes Santo hanggang Miyerkoles Santo at sarado na sa April 17 (Maundy Thursday) at April 18 (Good Friday) bilang paggalang sa Mahal na Araw at magbabalik sa April 19 (Black Saturday) at abangan ang masayang palaro sa Easter Sunday.

Naghanda ang Ortigas Malls ng masasayang palaro para sa Easter Sunday mula sa egg hunts ay makikita rin ang mga paborito ng mga bata na cartoon characters.

Sa GH Mall bida si Doraemon sa Happy Easter Meet and Greet event. Magkakaroon din ng singing, dancing, games at Easter egg hunt na puwedeng salihan ng buong pamilya.

Magaganap naman mula 1:00 ng hapon ng Easter Sunday ang palaro sa Estancia Mall kasama si Masha and the Bear.

Bunny hop naman ang makikita sa Tiendesitas Mall para sa kanilang egg-citing day.

Eggsploring Egg Hunt ang magaganap sa The Strip at Circulo Verde para sa kabataan mula 4:00 PM hanggang 6:00 ng gabi na may palarong egg painting, mini rides, at meet and greet sa kanilang fluffy Easter bunny.