Saturday , April 5 2025
Yosi Sigarilyo

Sa Capas, Tarlac  
Kompiskadong P270-M puslit na ‘yosi’ iniaalok sa online ng 2 empleyado ng disposal company, timbog

INARESTO ng National Bureau of Investigation (NBI) ang dalawang indibiduwal dahil sa pagkakasangkot sa muling pagbebenta ng P270-milyong halaga ng mga nasabat na kontrabandong sigarilyo sa bayan ng Capas, lalawigan ng Tarlac.

Matapos ang ikinasang operasyon, tiniyak ng Bureau of Customs (BoC) na “heads will roll” kung mapatunayang may mga ulat na sangkot ang ilang tauhan nito sa katiwalian.

Natukoy na ang dalawang naaresto ay mga empleyado ng isang disposal company na kinontrata ng BoC upang itapon ang mga smuggled na sigarilyo na naunang nakompiska ng mga ahente ng Customs.

Napag-alamang iniaalok ng disposal company na ibenta ang mga kahon ng sigarilyo sa mga poseur buyer sa halagang P250 milyon.

Ayon kay Customs Commissioner Bienvinido Rubio, ang mga kontrabando ay nagkakahalaga ng P270 milyon kaya nagpahayag siya na makikipag-coordinate sa NBI hinggil sa imbestigasyon.

Dagdag ng BoC, sa apat na container ng smuggled na sigarilyo, tatlo ang orihinal na naka-consign sa isang kompanya habang ang natitirang container ay naka-consign sa ibang firm.

Isang hiwalay na kompanya ng pagtatapon ng basura ang kinontrata ng BoC para tanggalin ang mga sigarilyo, ayon sa Customs bureau.

Inakusahan ng NBI na ang environmental consultant ng disposal facility ang naghahanap ng mga bibili ng mga kalakal, na ang ilan ay iniaalok online.

Mahaharap ang mga suspek sa mga kasong paglabag sa RA 12022 o Anti-Agricultural Sabotage Act, at posibleng iba pang batas. (MICKA BAUTISTA)

About Micka Bautista

Check Also

Pagkakaisa panawagan ni Revilla

Pagkakaisa panawagan ni Revilla

NANAWAGAN si re-electionist Senator Ramon “Bong” Revilla, Jr., ng pagkakaisa sa gitna ng kinahaharap na …

Pamilya Ko Partylist inendoso sa Maynila

Pamilya Ko Partylist inendoso sa Maynila

INENDOSO at suportado nina Manila running councilor Pau Ejercito at Malou Ocsan ang Pamilya Ko …

Shamcey Supsup-Lee

Shamcey-Lee para sa Konseho sa Pasig, dinagsa ng suporta

LUMALAWAK ang suporta ng  kababaihan sa kandidatura  ni Shamcey Supsup-Lee bilang kinatawan ng unang distrito …

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

NAITAS DOT magkaakibat para sa Takbo Para Sa Turismo

NAITAS, DOT magkaakibat para sa “Takbo Para Sa Turismo”

ANG National Association of Independent Travel Agencies (NAITAS) at ang Department of Tourism (DOT) ay …