HATAW! D'yaryo ng Bayan hatawtabloid.com
SA isang pre-dawn operation bandang alas-5:30 ng madaling araw kahapon, Oktubre 3, 2023, matagumpay na naisakatuparan ng Nueva Ecija Police Provincial Office (NEPPO) ang dalawang search warrant laban sa isang personalidad sa Nueva Ecija.
Ayon kay PColonel Ferdinand D. Germino, acting provincial director ng NEPPO, ikinasa ng mga elemento ng Gapan City Police Station ang search warrant laban sa suspek na si alyas ODO, isang 39-anyos na solar installer mula sa Barangay San Vicente, Gapan City.
Nakumpiska sa suspek ang limang heat-sealed transparent plastic sachet na naglalaman ng 13.34 gramo ng hinihinalang shabu, na nagkakahalaga ng Php 90,712.00; isang lighter; isang pakete ng aluminum foil; isang timbangan; isang itim na supot; isang itim na sling bag; isang homemade caliber .38 revolver; siyam na basyo ng bala para sa kalibre .38; at isang black belt bag na may tatak na “Supreme”.
Nakakulong na ang suspek at mahaharap sa kasong paglabag sa RA 9165 (Comprehensive Dangerous Drugs Act of 2002) at RA 10591 (Comprehensive Firearms and Ammunition Regulation Act). (MICKA BAUTISTA)
