Motorsiklo sisibat
PULIS SUGATAN SA CHECKPOINT, 2 PUSLIT ARESTADO

NASUGATAN ang isang pulis matapos matagis ng isang sasakyan nang umiwas ang isang motorsiklo sa checkpoint sa San Ildefonso, Bulacan kamakalawa.

               Ayon sa ulat na ipinadala kay P/Col. Relly B. Arnedo, provincial director ng Bulacan PPO, nakalatag ang anti-criminality checkpoint sa San Ildefonso, Bulacan, pero isang motorsiklo ang binalewala ang utos na huminto.

Dito umaksiyon si P/Cpl. Kennedy Geneta, na siyang Patrol PNCO, at sinubukang patigilin ang sisibat na motorsiklo.

Ang pag-iwas ng motorsiklo sa naturang checkpoint ay nagresulta upang matagis ng isang sasakyan ang pulis na ikinasugat nito sa parteng hita.

Bago tuluyang nakalayo ay naaresto ng mga kasamang operatiba ang dalawang suspek na kinilalang sina John Paul Redupla, at ang angkas nito na si Jay-Ar Reyes, kapwwa 25 anyos.

Nasa kustodiya ng San Ildefonso MPS ang dalawang suspek samantala si P/Cpl. Geneta ay sumasailalim sa medikasyon para sa leg injuries. (MICKA BAUTISTA)