HATAW! D'yaryo ng Bayan hatawtabloid.com
ALAM MO NA!
ni Nonie Nicasio
KAABANG-ABANG ang real life couple na sina AJ Raval at Aljur Abrenica sa bago nilang sexy action-drama mula sa Vivamax Original Movie. Isang kuwento na gagawin at hahamakin ang lahat para sa pag-ibig, abangan ang Sugapa, streaming exclusively sa Vivamax simula ngayong August 25, 2023.
Ukol ito sa mag-asawang nangangarap magkaroon ng maginhawang buhay at pupunta sa siyudad para sa mas maraming oportunidad, pero ang magiging kapalit pala ng pagtupad ng mga pangarap na ‘yon ay ang isakripisyo ang kanilang relasyon.
Labis ang pagmamahal nina Ben (Aljur ) at Anna (AJ) para sa isa’t isa at marami rin silang pangarap na ipinangako nilang tutuparin nang magkasama. Dito nila maiisipang lumipat sa siyudad para roon makipagsapalaran, dahil dito sila ay mas maraming trabaho, mas may magandang mapagkakakitaan, at mas may magandang kinabukasan.
Pero kabaligtaran sa kanilang inaasahan ang mangyayari, mas marami pa pala silang haharapin na problema at pagsubok na ilalagay sa alanganin ang relasyon nila, pati na ang kanilang mga buhay.
Sa lahat ng pagdaraanan nila tungkol sa pera, sa tawag ng laman, pagtataksil, adiksiyon, at pagkauhaw sa kapangyarihan, maging matagumpay pa rin kaya sila sa huli? Malampasan kaya ito nina Ben at Anna? O parehas silang bibigay at susukuan ang kanilang pagmamahalan?
Ang Sugapa ay mula sa direksiyon ni Lawrence Fajardo na kilala sa paggawa ng mga fast-paced at maaksiyong pelikula gaya ng A Hard Day at Reroute. Asahan na ang Sugapa ay mapupuno rin ng intense emotion, excitement, at mga makapigil-hiningang eksena.
Tampok dito sina Aljur at AJ, makakasama rin nila sa pelikula si Art Acuña, na gaganap bilang Sarge Teodoro na may malaking papel sa pagpapahirap sa mga bida. Mapapanood rin sa pelikula sina Lander Vera Perez, Lou Veloso at introducing, Dyessa Garcia.
Abangan ang Sugapa, streaming exclusively sa Vivamax simula ngayong August 25, 2023.
Mag-subscribe na sa Vivamax sa halagang P149 kada buwan, at P399 naman para sa tatlong buwan. Bisitahin ang web.vivamax.net o i-download ang app at mag-subscribe sa Google Play Store, Huawei App Gallery and App Store.
