HATAW! D'yaryo ng Bayan hatawtabloid.com
May 52 gramo ng shabu na halagang Php353,600.00 ang nakumpiska ng mga awtoridad sa isinagawang anti-illegal drug operation (buy-bust) sa Porac, Pampanga.
Ang mga operatiba ng Pampanga Provincial Drug Enforcement Unit ang naglunsad ng buy bust operation sa Brgy. Señora, Porac na nagresulta sa pagkaaresto ng tatlong tulak ng iligal na droga.
Kinilala ang mga ito na sina Jeric Castro y Manalo, high value individual; Jackielyn Catap y Pineda alyas Chiqui, kapuwa residente ng Brgy. Sta. Cruz, Porac, at Myco Santos y Pineda, alyas Putut, residente ng Brgy. Señora, Porac.
Nakumpiska rin ng mga operatiba sa ikinasang operasyon ang Php 500 bill marked money at mobile phone na ginagamit ng mga suspek sa pagtutulak..
Kasong kriminal laban sa mga suspek na paglabag sa RA 9165 ang kasalukuyang inihahanda para isampa sa korte.(Micka Bautista)
