HATAW! D'yaryo ng Bayan hatawtabloid.com
ALAM MO NA!
ni Nonie Nicasio
LUMABAS na last Monday ang teaser ng pelikulang Litrato na pinagbibidahan ni Ai Ai delas Alas at walang dudang kakaibang Ai Ai ang mapapanood dito.
Very obvious, na base sa teaser ay may hatid na matinding iyakan ang pelikulang ito na pinamahalaan ng award-winning director na si Louie Ignacio. Kaya dapat na magbaon ng panyo o maraming tissue kapag pinanood ito sa mga sinehan next month.
Ang Litrato ay kuwento ng isang lola na may Alzheimer’s disease na ginagampanan ng Comedy Queen na si Ai Ai.
Makikita rin sa pelikula ang isang istriktong caretaker na ginagampanan naman ng talented na actress/.writer na si Quinn Carrillo.
Mula sa panulat ni Direk Ralston Jover, tampok din dito sina Ara Mina, Liza Lorena, Bodjie Pascua, at iba pa..
Makikita sa pelikula ang isang matandang babae na nasa care facility na madalas na nanghihingi ng mga litrato sa mga taong hindi niya kilala dahil wala sa kanyang dumadalaw. Magbabago ang buhay ni Lola Edna (Ai Ai) nang dumating ang isang istriktong caretaker.
Kapag ang puso’y tunay na umiibig, alaala’y mananatili. Showing na ang Litrato sa July 26, 2023 in cinemas, nationwide.
