Tatlong tulak timbog sa 100 gramo ng ‘obats’

Nagwakas ang maliligayang araw ng tatlong kilabot na tulak sa San Jose del Monte City, Bulacan nang maaresto sa isinagawang drug-operation ng pulisya sa naturang lungsod kamakalawa.

Sa ulat na ipinadala ni PLt.Colonel Ronaldo Lumactod Jr.., hepe ng San Jose del Monte City Police Station (CPS) kay Police Colonel Relly Arnedo, provincial director ng Bulacan PPO, kinilala ang mga arestadong suspek na sina Crisanto Avena y Ngan aka Bunso, 43, nakatala bilang Unified PNP/PDEA drugs watchlist; Dariel Lazaro y Caña, 27; at Lyza Dizon y Deocareza, 40.

Ang mga suspek ay naaresto ng mga operatiba ng CDEU SJDM CPS sa pamamagitan ng ikinasang anti-illegal drug operation sa Brgy. Gumaoc East, CSJDM, Bulacan.

Nakumpiska sa mga suspek ang pitong piraso ng selyadong pakete ng plastic na naglalaman ng shabu, may timbang na humigit kumulang sa 100 gramo na may kabuuang Php680,000.00 at Php3,000.00 bill marked money.(Micka Bautista