POLICE OPERATIONS SA BULACAN PINAIGTING
14 tulak, 6 wanted nasakote

ARESTADO ang 14 na pinaniniwalaang drug dealers at anim na wanted persons sa patuloy na pinaigting na police operations sa lalawigang ng Bulacan hanggang Martes ng umaga, 17 Enero.

Kinilala ang 14 na drug suspects na sina Robin Mar Dela Cruz, Ramil Dela Cruz, Jenielyn Dela Cruz, Reynaldo Dela Cruz, Rannie Dolaota, Benjo Leona, Caroline Dela Cruz, Mark Russell Matriano, Richard Nishimoto, Goldwyn Maniego, Wilfredo De Leon, Ritchie Diaz, Jopay Saavedra, at Ericka Palces.

Inaresto ang mga suspek sa serye ng drug sting operations ng Station Drug Enforcement Unit (SDEU) ng Meycauayan, Marilao, Sta. Maria, Plaridel, at Bocaue C/MPS.

Nakumpiska mula sa mga suspek ang kabuuang 28 pakete ng hihinalang shabu, drug paraphernalia, at bust money na ginamit sa operasyon.

Samantalang sa lungsod ng Malolos, nadakip ang mga tauhan ng Bulacan CIDG sina MN Quirabo, J Tuazon, at E Tuazon, pawang mga wanted sa paglabag sa PD 705 o Illegal Logging (The Forestry Reform Code of the Philippines) (Service of Sentence) sa bisa ng warrant of arrest na inilabas ng Tabuk City RTC Branch 25 sa Kalinga.

Gayundin, sa serye ng pursuit operations ng mga tauhan ng Sta. Maria, San Ildefonso, at Bulakan MPS ay natunton ang tatlo pang wanted na mga kriminal na sangkot sa iba’t ibang kaso na nagresulta sa kanilang pagkaaresto.

Pahayag ni P/Col. Relly Arnedo, provincial director ng Bulacan PPO, ang masigasig na opensiba laban sa ilegal na droga, pagtugis sa mga wanted na kriminal, at solusyon laban sa krimen ay bilang pagtalima sa mandato ni PRO3 Regional Director P/BGen. Cesar Pasiwen. (Micka Bautista)