Single mom, ginahasa, pinatay sa bigti ng dyowa

NATAGPUANG wala nang buhay ang isang babaeng napag-alamang solo parent, pinaniniwalaang ginahasa at binigti sa loob ng kanyang sariling tahanan sa bayan ng San Miguel, lalawigan ng Bulacan, nitong Linggo, 29 Mayo.

Sa ulat mula sa San Miguel MPS, kinilala ang biktimang si Regine Sebastian, 30 anyos, isang negosyante.

Nakita nag biktima noong Linggo ng tanghali na tadtad ng pasa sa katawan, may nakapulupot na kable ng cellphone charger sa leeg, at nakasuot ng damit ngunit wala nang saplot sa pang-ibabang bahagi ng katawan.

Saksi sa insidente ang 10-anyos anak ng biktima na higit na pinatibay ng mga kuha sa CCTV.

Nakita sa mga kuha sa CCTV ang suspek na si alyas Pipoy, dating karelasyon ni Regine, na huling pumasok at huling lumabas sa bahay ng biktima.

Agad dinakip ng mga tauhan ng San Miguel MPS ang suspek na pinabulaanang siya ang may kagagawan ng krimen. (MICKA BAUTISTA)