Direk Danni, ibinidang may pagka-Indiana Jones ang Bakas ni Yamashita

ALAM MO NA!
ni Nonie Nicasio

NAKAHUNTAHAN namin recently si Direk Danni Ugali hinggil sa pelikulang Bakas ni Yamahita, na siya ang direktor. Ito’y hatid ng White Eagle Films Productons, isinulat ni Bill Velasco at tinatampukan nina Ahron Villena at Alfred Montero.

Kasama rin sa casts sina Dexter Doria, Lou Veloso, Archi Adamos, Angie Montero, Toni Co, Joshua de Guzman, Christa Jocson, at iba pa.

Kuwento ni Direk Danni, “Tapos na po ang shooting ng Bakas ni Yamahita, yung last shooting date sa Zambales is Feb. 28 and March 1 ay nasa Manila na kami. Then March 3, nag-one day shoot po sa Manila. Nasa editing stage na po kami under John Wong Full Post Asia.”

Pagpapatuloy pa niya, “Na-replace po ni Allan Paule si Simon Ibarra dahil naka-lock in pa po siya noon. Si Aurora Yumul, Julia Chua (sister ni Miggs Cuaderno), Tonz Are, Dorian Lee, and Princess Elayda po ang mga nadagdag sa cast.”

Ayon pa kay Direk Danni, hindi naman sila nahirapan sa shooting kahit kasagsagan pa ng covid noon.

“Ang shooting po namin, okay naman po, hindi kami masyadong nahirapan kahit pandemic, kasi we follow naman po the protocols. May mga mid-swab test and exit swab test po kami. Mas nahirapan po kami sa mga locations, especially sa last shooting days sa Zambales, kasi bundok at mga caves po.”

Kamusta naman kaya ang acting dito nina Ahron, Alfred at si Ms. Angie na siyang producer ng movie?

Aniya, “Okay naman po si Alfred at si Ahron, happy naman po sila kahit medyo mahirap especially may mga stunts. Si Madam Angie po happy naman kahit medyo nag-over budget kami due to unforseen expenses, like yung mga swab nga po and yung number ng limit ng tao sa accommodations due to pandemic. Plus, yung special effects na ginamit sa movie.”

Dagdag pa ni Direk Danni, “Si Mam Angie, nakow very natural po ang acting niya! Especially since nanay nina Ahron at Joshua ang role niya sa movie at nanay na nanay talaga po ang makikita sa kanya rito.”

Paano niya ide-describe ang movie, may touch ba ng Indiana Jones ang kinalabasan nito? “Mala-ganoon… na Indiana Jones, but treated with Pinoy touch since medyo totoo talaga yung Yamashita treasure and we balance the action and drama ng movie. So, kaabang-abang po itong movie namin,” masayang wika pa ni Direk Danni.