Go kampanteng promdis sa BP hindi babalik sa Metro Manila

KOMPIYANSA si Senador Christopher “Bong” Go na hindi babalik sa Metro Manila ang mga pamilyang  tumugon sa Balik-Probinsiya (BP) program ng pamahalaan na naglalayong maibsan ang matinding siksikan ng populasyon sa Kamaynilaan sa gitna ng pandemyang  coronavirus (COVID-19).

Sinabi ni Go, marami sa mga pumasok programa ay nagsabing naunsiyami sila sa mga naranasan nila sa gitna ng enhanced community quarantine (ECQ) dahil bunsod ng COVID-19.

Ipinaliwanag ng senador, kung sustainability ang pag-uusapan,  tutulungan ng  17 government agencies ang mga pamilyang  uuwi sa mga lalawigan para maging  maayos ang pagsisimula nila ng kanilang  buhay sa lalawigan.

Bukod sa mga livelihood at financial assistance, sinabi ni Go na base sa report, mayroon pang  180,000 government land na puwedeng pagtayuan  ng mga murang pabahay para sa mga benepisaryo.

Aniay, kapag naibigay ang pangangailangan ng mga nagbalik-probinsiya, hindi na nila nanaisin pang bumalik sa masikip na Metro Manila. (CYNTHIA MARTIN)