Magsyota huli sa akto: Sakto sa pot session

HULI sa akto ang magsyota habang sumisinghot ng shabu sa loob ng bahay ng isang construction worker sa Caloocan City, kahapon ng madaling araw.

Kinilala ang mga naa­res­­tong suspek na sina Monaliza Alapide, 47 anyos, repacker, residente sa Wyoming St., at Cirilo Paz Jr., 50 anyos, ng Santiago St., kapwa residente sa Vista Verde Executive Village Kaybiga, Brgy. 166.

Sa nakarating na ulat kay Caloocan police chief P/Col. Noel Flores, dakong 3:00 am nang makatanggap ng tawag mula sa con­cerned citizen ang Caloo­can Police Community Precinct (PCP) 6 hinggil sa umano’y nagaganap na pot-session sa kanilang kapit­bahay.

Agad nagresponde at nagsagawa ng follow-up operation sina P/Cpl. Edgar John Reyes at P/Cpl. Nolie Boy Guerrero na naaktohan ng mga suspek na sumi­singhot ng shabu sa Copen­hagen St., Vista Verde Executive Village, Brgy. 165, Llano sa nasabing lungsod.

Nakompiska sa mga suspek ang isang naka­bukas na transparent sa­chet, isang plastic sachet na naglalaman ng hinihi­nalang shabu, isang lighter at dalawang aluminum foils.

Iniimbestigahan sa Caloocan Police Station Drug Enforcement Unit para sa proper disposition.

(ROMMEL SALES)