Faye Tangonan, iniwan ang Hawaii para harapin ang acting career

HINDI na bago ang May-December affair thing na tinatalakay sa isang pelikula. Pero may nais patunayan ang direktor ng Bakit Nasa Huli Ang Simula, isang suspense-action-drama, na si Direk Romm Burlat. Tampok sa kanyang pelikula sina Jay-R Ramos at Faye Tangonan, Ms. Universe-International 2018.

Ginagampanan ni Tangonan ang karakter ni Evelyn na may simpleng pangarap. Ang isang masayang pamilya. Subalit nawala iyon dahil sa isang pangyayari.

Ang four-time Best Actor na si Jay-R naman ay ginagampanan ang isang mentally-deranged man na naging biktima ng pagkakataon.

Bale ito ang kauna-unahang pagsubok ni Faye sa pag-arte na aniya’y nais niyang subukan dahil, “I wanna explore. I have joined many beauty pageants, this time I am entering new job as an actress. I trust my director naman, direk Romm.”

Dream ni Faye na makapag-showbiz. ‘Ika nga niya noon sa isang interbyu, dream niyang makaarte.

“It would be a great honor if I would be offered any kind of role. Perhaps being an endorser is great too. Let’s see what the future holds for me. I’m just so grateful to everything that God has blessed me with right now. I honor and glorify Him!”

Kaya naman hindi naitago ni Faye ang excitement nang gawin nila ang pelikula na sobra siyang na-challenge.

Hindi rin alin­tana ni Faye na iwan muna sandali ang Hawaii, na roon siya nakabase para subukan ang kapalaran sa pag-arte na inaasahan niyang magbubukas ng maraming pintuan sa kanya.

Bagamat mabigat ang tema ng Bakit Nasa Huli ang Simula, hindi nagdalawang-isip si Faye na gawin ito dahil hindi nalalayo ang mensahe ng pelikula sa kanyang advocacy.

“Hindi rin ito magkakaroon ny conflict sa pagiging Ms. Universe International ko dahil related sa aking advocacy ang mensahe nito, ang human trafficking na may aral na makukuha sa end ng story o pelikula,” paglilinaw pa ni Faye na kasama rin sa pelikulang ito sina Lance Raymundo at Lester Paul.

SHOWBIZ KONEK
ni Maricris Valdez Nicasio