HATAW! D'yaryo ng Bayan hatawtabloid.com
MASAYANG-MASAYANG ibinalita ni Liza Dino ang ukol sa may napili na sila ni Ice Seguerra na sperm donor. Kasabay nito ang pagsasabing pinaghahandaan nilang mabuti ang bawat stage o phase ng in vitro fertilization dahil matagal ang prosesong ito.
Sa 10th anniversary presentation ng Spring Films, nakausap naming ang chairperson ng Film Development Council of the Philippines (FDCP) at naikuwento nito ang ukol sa sperm donor.
“Yes, mayroon na, sa cryobank in the US. Nakita namin ‘yung profile niya (photos and video), he’s Caucasian, and matangkad. At saka ‘yung napili namin parang summa cum laude. So more or less, nakilala na namin ‘yung donor. At ang mangyayari next is ita-transport siya (sperm) para ma-fertilize ‘yung egg ni Ice.
“’Yung phase ng pag-implant, tatlong stage, siya eh. So ‘yung pangalawang stage (fertilization) sana soonest na mangyari. Ipi-freeze kasi uli ‘yun. And then kung ano ‘yung schedule, kung kailan ii-implant sa akin. Pero baka ma-delay lang dahil busy na tayo sa FDCP, so I’m thinking mga December,” sambit ni FDCP chair.
Kaya sa taong 2020 pa mabubuntis si Diñp bilang surrogate mother.
“Oo, kasi ‘di ba 100 years of Philippine cinema, so ang daming events. Sorry naka-factor ‘yung trabaho talaga. Kailangan lang kasi talaga ‘yung ginawa kay Ice. Kasi he’s not getting any younger.
“Tapos pabawas na nang pabawas ‘yung pag-produce niya ng egg cells. So kailangan na talagang gawin soon kasi kung next year pa ito baka hindi na kaya,” paliwanag pa ni Diño.
SHOWBIZ KONEK
ni Maricris Valdez Nicasio
