Nella Marie Dizon, may pressure sa pagiging anak ni Allen Dizon

SI Nella Marie Dizon ang 16 year old na dalagitang anak ni Allen Dizon na mapapanood sa pelikulang Rainbow’s Sunset, entry sa 2018 MMFF. Aminado si Nella Marie na may pressure sa kanya dahil kilala ang ama niya bilang isang award winning actor.

“Opo, siyempre po (may pressure). Kasi po, baka po I’m not what they expected po. Minsan po naiisip ko ‘yun kasi po si daddy po ang galing niya po, mara­ming awards, tapos baka ka­pag nakita nila ako, baka sa­bihin nila na… parang wala po sa kalingkingan (ni Allen)…”

So ano’ng ginawa niya, lalong pinagbutihan ang kanyang pag-acting? Sagot ni Nella Marie, “Hanggang ngayon po, I’m still trying to improve, kasi po noong pinanood ko po ‘yung mga scenes ko sa movie, parang ‘di ko pa po nakukuha ‘yung gusto ko as an actress po,” saad niya na unang napanood sa mga pelikulang Marino at Childhaus.

Paano niya ide-describe si Allen bilang tatay? “He only wants what is best for you po, saka kung alam niyang makabubuti sa iyo, go po siya roon.” Ano ang ipinayo ni Allen sa kanya para sa pelikulang ito? “Kapag sinabihan daw po na may mali ako, tanggapin ko na lang po tapos ay ayusin ko ‘yung mali ko. And sabi po niya ay pagbutihan ko raw.”

Nabanggit din ni Nella Marie na malaking blessing para sa tulad niyang newbie actress ang maging bahagi ng pelikulang tulad ng Rain­bow’s Sunset. “Masasabi ko po na masuwerte ako. Ang blessed ko po na ibinigay po sa akin yung role na ito, tapos, hoping for more projects po,” aniya pa.

Anong masasabi sa director nila ritong si Joel Lamangan? “Proud po ako kasi una sa lahat, si Direk Joel Lamangan po ‘yung director. Tapos po magagaling po ‘yung mga artista, parang assured na po na maganda ‘yung kalalabasan ng movie.”

Ang Rainbow’s Sunset mula sa Heaven’s Best Entertainment Productions ay isang family movie na tamang-tama para sa buong pamilya ngayong Pasko. Pati ang LGBT community ay tiyak na maaantig sa peliku­lang ito.

Matutunghayan sa pelikula ang mahu­husay na pag­ganap ng bigating cast sa pa­ngunguna nina Eddie Garcia, Gloria Romero, at Tony Mabesa. Tam­pok din sa Rain­bow’s Sunset sina Aiko Melendez, Tirso Cruz III, at Sunshine Dizon. Kasama rin sina Jim Pebanco, Sue Prado, Max Collins, Marcus Madrigal, Noel Comia, Ross Pesigan, Ali Forbes , Hero Bau­tista, Vince Rillon, Zeke Sarmenta, at iba pa.

ALAM MO NA!
ni Nonie Nicasio