Billy, lumipat na ng Viva; dream na makasama si Sarah, matutupad na

“A new beginning. Titriple ang trabaho ko.” Ito ang ibinigay na rason ni Billy Crawford sa pagpirma niya at paglipat ng management mula ALV Entertainment tungo Viva Artists Agency.

Ani Billy nang pumirma siya ng limang taong kontrata sa Viva, malawak ang platform ng Viva. “It’s really wide. It’s global.”

Sinabi ni Billy na maayos ang 10 taong paghihiwalay nila ni Arnold Vegafria na aminado siyang malaki ang naitulong sa kanyang career.

Aniya pa, may kailangan siyang baguhin sa buhay niya ngayong may bagong chapter sa buhay niya na magaganap. Ang pagpapakasal niya kay Coleen Garcia.

“It’s a new page and this page I think and I thought na I have to start fresh, I have to start new,” giit ni Billy.

Kaya naman bukod sa hosting job, gagawa ng album si Billy at magko-concert.

Excited si Billy at looking forward na mag-concert dahil ang pangarap niyang maka­sama si Sarah Ger­o­ni­mo ay matutupad na. Ito’y tiniyak na rin sa kanya ng big boss ng Viva na si Vic del Rosario.

SHOWBIZ KONEK
ni Maricirs Valdez Nicasio