Sikat na aktres, inayawan ng may-ari ng isang produkto dahil sa taas ng TF

PRESYONG ayaw nga ba, o sadyang malaki ang presyong katapat ng isang sikat na aktres bago tumanggap ng commercial endorsement?

Kuwento ito ng isang aktres na inalok mag-endorse ng bagong brand ng suka’t toyo. Nang makontak ng may-ari ng kompanya, siyempre, tinanong kung magkanix ang TF nito.

“Naloka ang may-aring Tsi-ne-se, P10-M daw ang asking price ng lola mo, eh, ke bago-bago pa nga lang naman ng produktong ilalabas sa market! Hayun, nag-back out ang may-ari, ibang artista na lang ang kukunin nila na mura-mura ang presyo pero effective endorser din,” sey ng aming source.

Katwiran ng may-ari, okey lang kung magpresyo ng milyones ang aktres, kaso ni isa nga sa TV commercial ay wala siyang umeere.

“Roon na lang sa mas visible, at saka ang tanong…hindi yata marunong magluto ang lola mo kaya hindi rin siya gumagamit ng suka’t toyo!”

Da who ang aktres na inayawan na tuloy ng may-ari ng pabrika ng suka’t toyo dahil sa taas ng TF niya?

Itago na lang natin siya sa alyas na Maribel Masantol.

(Ronnie Carrasco III)