Ria Atayde, gagampanan ang buhay ng negosyanteng Pinay sa Australia sa MMK

OMAGASH! Ever heard of it? Isang Pinay ang nagpasimula ng nasabing business sa Australia, tinatangkilik na sa iba’t ibang panig ng mundo. Ito ay nagawa ni Hershey Hilado na kinikilala ngayong entrepreneur, mentor, social media guru, inspirational speaker, thought leader at marami pang titulo under her hat.

Pero bago ito narating ni Hershey, katakot-takot na pasakit din muna ang kinaharap niya sa buhay. Physical at emotional abuse mula sa mga taong mahal niya ang naging pasanin ni Hershey sa buhay.

Pinatay ang tatay niya ng kanyang tiyuhin. Nagnakaw para maalagaan ang mga kapatid. Pero inihatid siya ng kapalaran sa Australia na nagtrabaho muna sa isang fastfood chain. At naging security control room operator.

Nang mabasa niya ang aklat ni Robert Kiyosaki na Rich Dad, Poor Dad, nabuo ang idea at pangarap niya, to serve, surrender and impact the people.

At ang Omagash nga ang isa lang naman sa mga negosyong naitaguyod niya. It’s a woman’s fashion label na nakakalat na sa 16 bansa. At may platform na ruta.com na inirerekomenda niya ang best travel destinations sa South East Asia sa mga mahilig maglimayon sa ibang bansa.

Ang life story niya ang bibigyang-buhay nina Yesha Camille as 1st Gen. Hershey;Iyanna Angeles as 2nd Gen Hershey, at Ria Atayde as 3rd Gen Hershey; kasama sina Ryle Santiago as 3rd Gen ; Maritez Samson as Tita Beng; Aleck Bovick as Emy; Celine Lim as 2nd Gen Emelyn; Denise Joaquin as 3rd Gen Emelyn; Rhed Bustamante as 1st gen Emelyn; Simon Ibarra as Insoy; Jordan Hong as Lee, atErnie Garia as Dongdong, sa Sabado July 22 MMK (Maalaala Mo Kaya) mula sa panulat ni Mae Rose Balanay at direksiyon ni Dado Lumibao.

HARDTALK – Pilar Mateo