AJ Muhlach, nagkasakit kaya nagmukhang adik

NILINAW ni AJ Muhlach ang ukol sa balitang nalulong siya sa droga kaya ganoon ang hitsura niya.

Aniya nang makausap namin pagkatapos ng Double Barrel na handog ng Viva Films na mapapanood na sa August 2, na nagkasakit siya kaya bumagsak ang katawan niya.

Iginiit pa nitong kinailangang maging ganoon ang hitsura (hitsurang adik) niya sa pelikula dahil iyon ang ginagampanan niyang role.

“At saka may sakit nga po ako ngayon kaya pumayat din. May ano po ako sa gall blader. Andito nga po ‘yung gamot ko, ininom ko kanina sa presscon,” paliwanag pa ng actor na binitiwan na ang imaheng boy-next door dahil ibini-build-up na siya ng Viva bilang newest action star.

“Hindi rin po ako makakain ng mabuti dahil sa sakit ko ang daming bawal kainin. Hindi pa naman ako naooperahan malalaman pa next month kapag lumiit ang mga polyps, ang dami po kasing polyps. ‘Pag lumiit hindi na ooperahan.

“Kaya rin po ako pumayat dahil doon. Nag-loose nga po ako ng 8 lbs. eh for 25 days. Nawala rin ‘yung ginagawa kong workout,” paliwanag pa niya.

Kasama ni AJ sa Double Barrel sina Phoebe Walker at Jeric Raval at idinirehe ni Toto Natividad.

SHOWBIZ KONEK – Maricris Valdez Nicasio