HATAW! D'yaryo ng Bayan hatawtabloid.com
PATAY ang dalawang hinihinalang mga tulak makaraan makipagbarilan sa mga pulis sa mga bayan ng San Miguel at Norzagaray sa lalawigan ng Bulacan kamakalawa.
Kinilala ni Senior Supt. Romeo Camat, Acting Bulacan police director, ang isa sa dalawang napatay na si Mark Anthony Reyes, residente ng San Miguel.
Nabatid sa ulat, tumanggi si Reyes na huminto sa itinalagang police checkpoint, bumunot ng baril at nakipagpalitan ng putok sa mga pulis na nagresulta sa kanyang pagkamatay.
Samantala, sa bayan ng Norzagaray, sa police operation ay bumulagtang patay si Jeffry Madrillejos, residente ng Brgy. Matictic.
Sinasabing si Madrillejos ay nakipabarilan sa isang pulis na nagpanggap na poseur buyer ng illegal na droga.
( MICKA BAUTISTA )
