Wednesday , May 29 2024
modern jeep

May-ari ng overloading na modern jeep, ipinatawag ng LTFRB

NAGLABAS ng show cause order ang Land Transportation Franchising and Regulatory Board (LTFRB) laban sa operator ng modern jeep matapos himatayin ang isang pasahero dahil sa sobrang siksikan.

Una nang naging viral sa social media ang video ng pasaherong hinimatay sa modern jeep na sinasabing punung-puno ng mga pasahero habang bumibiyahe sa Marcos Highway, Pasig City.

Ayon kay LTFRB Chairman Atty. Teofilo Guadiz III, kanilang ipinatatawag ang Easyway Transport Service and Multipurpose Cooperative, upang magpaliwanag kung bakit hindi dapat masuspendi o matanggalan ng Certificate of Public Convenience (CPC) o prankisa dahil sa paglabag sa “overloading of passengers.”

Ipinahaharap sa pagdinig ng LTFRB sa 16 Pebrero 2023 ang kinatawan ng naturang kooperatiba.

Bukod dito, pinasasagot din ang operator sa loob ng limang araw mula nang matanggap ang show cause order.

“Failure to provide an answer and non-appearance in the case hearing will be deemed a waiver on the part of the respondent to be heard, and the case will be decided based on the Board’s records,” ayon sa show cause order.

Batay sa alituntunin ng LTFRB, ang modern public utility vehicle ay dapat na may hanggang 28 pasahero lamang, 23 nakaupo at lima ang nakatayo.

Muling nagbabala si Chairman Guadiz sa lahat ng public utility vehicle (PUV) drivers at operators na iwasan nang magpuno ng mga pasahero at marapat na isaalang-alang ang kaligtasan ng lahat.

Giit ni Guadiz, ang “overloading” sa pasahero ay labis na mapanganib hindi lamang sa posibleng pagmulan ng aksidente sa kalsada kundi maging sa banta ng Covid-19.

“This means that PUVs should still observe proper distancing in terms of the number of passengers they can accommodate. Thus, overloading should not be allowed under any circumstance,” pahayag ni Guadiz.

“Pandemic or not, overloading is dangerous and should not be practiced by PUV drivers just for them to earn money and meet their boundary. No amount of money can equate to the safety of passengers, especially now that COVID-19 is still here,” dagdag ng opisyal. (ALMAR DANGUILAN)

About Almar Danguilan

Check Also

SSS, Bocaue LGU lumagda sa MOA para sa social security coverage ng JO workers

SSS, Bocaue LGU lumagda sa MOA para sa social security coverage ng JO workers

IPINAHAYAG ng Social Security System (SSS) na mahigit 800 job order (JO) na manggagawa sa …

Sa Bulacan 3 TULAK, 1 PUGANTE NASAKOTE NG PNP

Sa Bulacan  
3 TULAK, 1 PUGANTE NASAKOTE NG PNP

Arestado ng Bulacan PNP ang tatlong nangangalakal ng droga at isang pugante sa isinagawang anti-crime …

Quezon Provincial Police Office Lucena

8 intel officer arestado sa palpak na drug raid

CAMP VICENTE LIM, LAGUNA — Walong intelligence officer ang inaresto ng kanilang mga kasamahan sa …

shabu drug arrest

 6 tulak ng droga, timbog sa buybust

BAGSAK sa kulungan ang anim na hinihinalang drug personalities matapos malambat ng pulisya sa magkakahiwalay …

Arrest Caloocan

Wanted sa kasong Murder
MISTER HOYO SA KANKALOO

ARESTADO ang isang mister na wanted sa kaso ng pagpatay sa isinagawang manhunt operation sa …