Friday , April 19 2024

Kahit maraming diskontento, investment fund suportado
KAMARA KAKAMPI NG ‘MAHARLIKA’

121522 Hataw Frontpage

ni Gerry Baldo

HABANG umaani ng batikos ang Maharlika Investment Fund sa labas ng Kamara de Representantes , sinabi ni House Speaker Martin G. Romualdez, suportado ito ng karamihan ng mga kongresista.

Ayon kay Romualdez “multi-partisan” ang suporta para sa kontrobersiyal na panukalang isinusulong ng administrasyong Marcos.

Sa press briefing sa Belgium kasama ang media mula sa bansa, sinabi ng speaker, sa gitna ng mga pangamba sa panukala sinuportahan ito ng mga kongresista.

“The Majority Floor Leader (Manuel Jose Dalipe) told me that we had over 220 [co-authors] and I think by the time I get back baka umabot na ng 250. So there will be over two-thirds of the House who will be co-authoring because there have been exhaustive briefings,” ani Romualdez na kasama ni Pangulong Marcos sa Brussels, Belgium, na pinadausan ng ASEAN-EU Commemorative Summit.

Aniya, kahapon 246 kongresista ang gustong maging co-author ng panukalang batas na binabatikos ng mga tanyag na ekonomista ng bansa.

Ani Romualdez, nasa pangulo na ang pasya kung i-certify ito bilang “urgent bill” upang maipasa sa huli at pangatlong pagdinig bago mag-adjourn ang sesyon para sa Pasko.

Noong nakaraang linggo inamyendahan ng mga kongresista ang panukala para tanggalin ang Social Security System (SSS) at ang Government Service Insurance System (GSIS) bilang “funding source” ng Maharlika Investment Fund.

Umani ng katakot-takot na protesta mula sa mga miyembro ng SSS at GSIS ang panukala sa takot na mapariwara ang pera nila.

“Well, that’s up to him (President Marcos),” ani Romualdez.

Inamin ni Pangulong Marcos, sa kanya nanggaling ang ideya ng Maharlika Investment Fund bago lumipad patungong Belgium.

Giit ni Marcos, kailangan ng bansa ang karagdagang pamumuhunan para lumago ang ekonomiya.

“And as they say, especially when it comes to capital investment size, does matter, you need scale to participate in large projects, whether infrastructure, power even in the agricultural sector, you need, massive capital,” ani Romualdez.

About Gerry Baldo

Check Also

Bong Revilla, Jr

Revilla tuloy ang serbisyo-publiko sa kabila ng aksidente

“SALAMAT sa mga nag-aalala kung ano ang nangyari sa akin, pero nasa mabuti na akong …

Lobo Batangas

Sa Batangas 
PAGLAGANAP NG ILEGAL NA SUGAL SA LOBO IKINABAHALA NG BUSINESSMEN

LUBOS na nababahala ang grupo ng mga negosyanteng kinabibilangan ni Efren Ramirez sa isyu ng …

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …