Friday , March 31 2023
Department of Migrant Workers

Travel consultancy firm ipinasara ni Ople 

INIUTOS ni Migrant Workers Secretary Susan Ople ang pagsasara ng isang travel consultancy firm na nag-aalok ng mga pekeng trabaho sa Poland.

Ayon kay Ople, iniutos nito na ipasara ang IDPLumen Travel Consultancy Services, na naniningil ng aabot sa P 122,000 mula sa mga aplikante. Ang kautusan ay isinagawa ng Anti- Illegal Recruitment Branch (AIRB) ng Philippine Overseas Employment Administration (POEA) sa sabay-sabay na pagsasara ng mga operasyon sa punong tanggapan ng kompanya sa San Fernando, Pampanga at mga tanggapan sa Santiago City, Isabela, at Tabuk City, Kalinga.

Binalaan ni Ople ang ating mga kababayan na huwag makipagtransaksiyon sa mga travel consultancy firm na nag-aalok ng trabaho sa ibang bansa dahil ito ay illegal recruitment at may naghihintay na one-way ticket sa kulungan ang mga nagpapatakbo ng ganitong pekeng trabaho.

Ang mga operasyon ay isinagawa ng AIRB sa pakikipag-ugnayan sa mga opisyal ng lokal na pamahalaan at mga yunit ng pulisya sa kani-kanilang mga lungsod.

Sa ulat sa surveillance operations na isinagawa ng AIRB ay nagsiwalat na ang IDPLumen, sa ilalim ng pagkukunwari ng isang travel consultancy firm, ay nag-alok ng trabaho sa Poland para sa truck drivers,  welders, at factory workers na may buwanang suweldo mula P35,000 hanggang P124,000.

Nadiskubreng ang IDPLumen Travel Consultancy Services ay walang lisensiya mula sa POEA para gumana bilang recruitment agency at wala rin itong validated job orders sa ibang bansa.

Nakolekta ng kompanya ang mga processing fee na aabot sa P122,000 mula sa mga prospective na aplikante ng trabaho sa ilalim ng dalawang opsiyon – alinman sa regular na upfront parment o isang scheme na “fly now, pay later.”

Inihahanda na ng nasabing ahensiya ang pagsasampa ng kasong illegal recruitment laban sa IDPLumen at hinihimok ang mga naging biktima nito na makipag-ugnayan sa DMW upang sila ay matulungan sa pagsasampa ng mga kaso laban sa nasabing consultancy services. (GINA GARCIA)

About Jaja Garcia

Check Also

Jenine Desiderio

Jenine aktibo pa rin sa pagkanta

HATAWANni Ed de Leon HINDI namin agad siya nakilala kasi naka-face mask noong makita namin …

Bulacan Police PNP

10 ‘tulak’ sa drug watchlist kinalawit

INARESTO ang 10 indibidwal sa pagpapatuloy ng kampanya ng pulisya sa Bulacan laban sa ilegal …

COMPOSITE SKETCH Marlon Serna

Sa pamamaslang sa hepe ng San Miguel MPS
COMPOSITE SKETCH NG SUSPEK INILABAS

NAGLABAS ang Philippine National Police (PNP) ng composite sketch ng isa sa dalawang suspek na …

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …