Friday , March 29 2024
Bongbong Marcos Liza Araneta ASEAN-EU summit

Trade, economy, climate action agenda ni FM Jr., sa ASEAN-EU Summit

PANGUNAHING agenda ni Pangulong Ferdinand Marcos, Jr., na isulong ang mga prayoridad ng Filipinas partikular ang kalakalan, maritime cooperation at climate action sa kanyang pagpunta sa Brussels, Belgium para dumalo sa Association of Southeast Asian Nations-European Union (ASEAN-EU) Summit.

Sa kanyang departure statement  sa Villamor Airbase, sinabi ni FM Jr., ito ang kauna-unahang pagpupulong sa pagitan ng mga pinuno ng ASEAN at EU member states sa EU headquarters.

“I am pleased to highlight the Philippines’ role as country coordinator for ASEAN in its dialogue relations with the EU,” ayon sa Pangulo.

“And after the successful series of Summits hosted by ASEAN Chair Cambodia last month, I look forward to  a productive and meaningful Summit that recognizes ASEAN and the EU’s four-and-a-half decades of long-standing relations,” giit niya.

Ipinagdiriwang aniya sa summit ang 45-taon relasyon ng ASEAN-EU na may malalim na mga talakayan sa mga pinakanapapanahong ugnayan sa mga organisasyong pangrehiyon, tulad ng pandaigdigan at rehiyonal na mga hamon sa seguridad, sustainable development at economic cooperation, at iba pa.

Magtatalumpati ang Pangulo sa C-Suite Luncheon at sa ASEAN-EU business summit, isang kaganapan na magsisilbing oportunidad upang muling mabuo ang mga interes sa ekonomiya, at pakikipag-ugnayan para sa Filipinas dahil sa presensya ng mga pangunahing lider ng negosyo sa Europa.

Makakaharap niya sa isang pulong si King Philippe ng Belgium, gayondin ang mga bilateral na pagpupulong kasama ang ilan sa kanyang mga counterpart sa Europa.

Sa briefing noong Biyernes, sinabi ni Department of Foreign Affairs (DFA) Assistant Secretary Daniel Espiritu na inaasahang magdaraos si FM Jr., ng sampung bilateral meeting sa sideline ng ASEAN-EU summit.

Inaasahang makikipagpulong ang Pangulo sa mga pinuno ng Belgium, Estonia, Czech Republic, Spain, Denmark, Germany, Poland, Finland, Netherlands, at European Union.

Makikipagpulong din si Marcos sa business community at magkakaroon ng one-on-one meeting sa mga korporasyong magpapalawak ng kanilang presensiya sa Filipinas.

Inaasahang makikipagpulong si Pangulong Marcos sa Filipino community sa Belgium. (ROSE NOVENARIO)

About Rose Novenario

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …