Friday , February 3 2023
fire dead

67-anyos Lolo patay nang mabagok habang lumilikas sa sunog

ISANG 67-anyos lolo ang patay nang mabagok habang lumilikas nang masunog ang ilang tahanan sa isang residential area sa Quezon City kahapon ng madaling araw.

Kinilala ang biktima na si Delfin Enerva, 67 anyos, residente sa Barangay Holy Spirit, Quezon City.

Batay sa inisyal na report ng Bureau of Fire Protection (BFP) ng Quezon City, dakong 4:00 am nang magsimulang sumiklab ang sunog sa ikalawang palapag ng tahanan ni Nestor Bactismo sa Saint Vincent St., Brgy. Holy Spirit.

Nabatid na malaki na ang apoy at hindi na niya naapula kaya’t iniligtas na lang ang mga anak.

Mabilis na kumalat ang apoy sa mga katabing bahay kaya’t nagmamadaling nagsilikas ang mga kapitbahay, kabilang ang biktima.

Gayonman, habang lumilikas ay minalas na madulas ang biktima at nabagok ang ulo.

Naisugod pa sa pagamutan ngunit binawian din ng buhay.

Tinatayang nasa 20 pamilya ang nawalan ng tahanan sa sunog na tumupok sa 10 tahanan.

Alas 5:50 am nang maideklarang under control ang sunog bago tuluyang naapula dakong 6:20 am.

Inaalam ng mga awtoridad kung ano ang pinagmulan ng sunog at kung magkano ang halaga ng mga ari-ariang tinupok nito. (ALMAR DANGUILAN)

About Almar Danguilan

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …