Wednesday , February 28 2024

Track record mantsado,
LEDESMA SA PHILHEALTH ‘NO CLEAN BILL’ — HEALTH WORKERS

112822 Hataw Frontpage

KINUWESTIYON ng health workers mula sa Health Alliance for Democracy (HEAD) ang pagtalaga ni Pangulong Ferdinand R. Marcos Jr., kay Emmanuel Rufino Ledesma Jr., bilang acting president at chief executive officer (CEO) ng Philippine Health Insurance Corp. (PhilHealth).

Lubos na ikinabahala ng health workers na si Ledesma, may history ng mga iregularidad at mga alegasyon ng korupsiyon, ang mamumuno sa corrupt-ridden Philhealth, lalo na’t may ulat na hanggang limang taon na lamang ang itatagal ng ahensiya o hanggang 2027.

Anang grupo, namamatay ang mahihirap na pasyente dahil hindi nila kayang bayaran ang pangangalagang medikal. 

               Gayonman, ang bilyon-bilyong piso sa Philhealth na maaaring direktang ilaan sa mga serbisyo ng pasyente ng mga ospital ay nawala bunsod ng mga iregularidad at anomalya.

Mantsado umano ng iregularidad ang termino ni Ledesma bilang presidente at CEO ng Power Sector Assets and Liabilities Management (PSALM) Corp:

               • Noong 6 Mayo 2015, inilagay si Ledesma sa 90-araw preventive suspension ng PSALM Board. Noong Setyembre 2014, isang reklamo ang inihain ng mga empleyado ng PSALM laban kay Ledesma dahil sa kabiguan na “magsagawa ng agarang aksiyon laban sa isang nanalong bidder na nagsumite ng mga pekeng dokumento sa pribatisasyon ng Sucat Thermal power plant.”

• Noong Disyembre 2013, si Ledesma bilang PSALM president ay kinuwestiyon ng mga mambabatas sa House of Representatives sa pagbibigay ng P87-milyong kontrata sa isang kompanyang walang track record at kagamitan para linisin ang oil spill sa Estancia, Iloilo.

• Noong Hulyo 2021 at Abril 2022, pinagtibay ng Korte Suprema ang Commission on Audit-issued Notice of Suspension and Notice of Disallowance noong 2008 at 2009 para sa Extraordinary and Miscellaneous Expenses (EME) ng PSALM noong 2008-2009 at walang pagtanggap ng mga dokumento, mga disbursements at “irregular, unnecessary, excessive or extravagant (IUEE) expenditures” sa ilalim ng Business Development Expenses at termino ni Ledesma bilang PSALM president.

• Kasama rin si Ledesma sa mga board member ng Philippine Electricity Market Corporation (PEMC) na inakusahan ng People Opposed to Unwarranted Electricity Rates (POWER) na malamang na nakinabang sa manipulasyon ng artipisyal na pagtaas ng presyo ng koryente sa merkado noong Disyembre 2013.

Giit ng HEAD, ang appointment ni Ledesma sa Philhealth ay nagpapatunay muli sa lip service ng administrasyong Marcos Jr., na unahin ang serbisyong pangkalusugan at pagsugpo sa katiwalian.

Ang kailangan anila ng mga Filipino ay mga pinuno at opisyal sa kalusugan na puno ng oryentasyon sa serbisyo, at may malinis at napatunayang track record ng pagtataguyod ng karapatan ng mga manggagawang pangkalusugan at mamamayan sa kalusugan nang higit sa kanilang sariling pansariling interes. (ROSE NOVENARIO)

About Rose Novenario

Check Also

Mr DIY Team Kramer 500 1

Team Kramer Joins MR.DIY in Celebrating 500th Store Milestone in Panglao, Bohol

MR.DIY Philippines CEO Roselle Andaya, alongside Doug and Cheska Kramer, jointly pressed the button to …

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

Buddy Encarnado NCRAA

Bago, talentadong local cager target sa NCRAA 30th Season

HANGAD ni General Manager Buddy Encarnado, dating PBA chairman at team governor ng Sta. Lucia, …

Krystall Herbal Oil

Insekto at kulubot pinatalbog ng krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Good morning …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …