Wednesday , June 12 2024

‘Hijacking’ sa Comelec?
‘BILYONARYO’ MULA SA OLAT NA PARTYLIST PINANUMPANG MAGSASAKA REP           

101322 Hataw Frontpage

ni ROSE NOVENARIO

LANTARANG pambababoy sa batas at partylist system ang ginawang pagpoproklama ng Commission on Elections (Comelec) sa talunang partylist nominee bilang kinatawan nang nagwaging Magsasaka partylist.

Inihayag ito ni dating Magsasaka partylist Rep. Argel Cabatbat kahapon sa isang press conference sa Quezon City matapos iproklama ng Comelec si Robert Nazal, Jr.,  bilang kinatawan ng Magsasaka partylist kahit siya’y talunang nominado ng Pasahero partylist nitong nakaraang 2022 elections.

“Isang bilyonaryo, hindi na nga mukhang pasahero, lalo namang hindi mukhang magsasaka,” ani Cabatbat.

Sa naging desisyon ng Comelec aniya ay puwedeng ipakahulugan ng mga mayayaman na kapag natalo sa eleksiyon ay puwedeng pumunta sa poll body para ‘bumili’ ng puwesto sa nanalong partylist.

Nanindigan si Cabatbat, hindi bonafide member ng Magsasaka partylist si Nazal bagkus siya ay founder at nominee ng Pasahero partylist na natalo nitong 2022 elections at naging nominee rin ng Bagong Henerasyon partylist na hindi nagwagi noong 2019 elections.

“Kung bakit pinayagan ng Comelec ang ganitong pambababoy sa batas ay sila lang ang nakaaalam. Labag sa batas ang pagpapaupo kay Nazal dahil hindi naman siya naging miyembro ng Magsasaka – isa sa mga requirement ng batas para maging nominado ng isang party-list,” ani Cabatbat.

Batay sa caption ng ilang larawan na ipinaskil sa Facebook, tinukoy si Nazal bilang Pasahero partylist nominee sa nakaraang halalan.

Sinabi ni Cabatbat na posibleng nakipagsabwatan si Nazal, hindi lang sa Comelec, kundi sa pinatalsik nilang opisyal na si Soliman “Dexter” Villamin, Jr., para masungkit ang puwesto bilang  kinatawan ng Magsasaka partylist.

Si Villamin at ilang opisyal ng DV Boer Farm Inc. ay nakakulong sa patong-patong na kasong syndicated estafa at swindling.

Maging ang mga naging biktima ni Villamin sa multi-bilyong agri-investment scam ay naghain ng manifestation sa Comelec bilang pagtutol sa petisyon ni Villamin na kilalanin ang kanyang paksiyon bilang lehitimong Magsasaka partylist pero hindi nabigyan ng tsansa ng poll body na ipaliwanag ang kanilang paninindigan.

Ani Cabatbat, naghain  sila ng temporary restraining order (TRO) sa Korte Suprema laban sa desisyon ng Comelec na pumabor kay Nazal.

Pinag-aaralan ng grupo ni Cabatbat ang posibleng paghahain ng impeachment complaint laban sa mga opisyal ng Comelec bunsod ng “betrayal of public trust.”

About Rose Novenario

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …