Saturday , December 10 2022

DILG rerepasohin, local government code, e-trikes regulation

INIHAYAG ng Department of the Interior and Local Government (DILG) ang planong pagsasagawa ng pagsusuri sa Local Government Code of 1991, gayondin ang regulasyon sa mga electric tricycle.

“Meron talagang mga provisions sa local government code na talagang dapat i-review at pag-usapan nang husto,” pahayag ni DILG Secretary banjamin “Benhur” Abalos, Jr., sa ginanap na Kapihan sa Manila Bay.

Kabilang dito ang tungkulin ng local government units (LGUs) na pondohan at magpatayo ng mga paaralan, tertiary hospital, pagpapaunlad ng mga barangay road, at iba pa.

Sinabi ni Abalos, ng mga proyektong ito ay dapat ilipat mula sa LGUs mula sa national government dahil hindi lahat ng lokal na pamahalaan ay may kapasidad at resources para tapusin ang mga proyekto.

“At the time, it was an ideal concept talaga. But now, after 33 years, ano bang kaya, ano bang hindi?” tanong ng kalihim.

Nagpahayag ng pagkabahala si Abalos na mas maraming tungkulin at serbisyo ang posibleng nailipat mula sa national government patungo sa mga LGU sa ilalim ng devolution process.

Habang ang mga LGU ay makatatanggap ng karagdagang budget dahil sa mas mataas na Internal Revenue Allotment (IRA) sa ilalim ng devolution, ipinaalala ni Abalos na ang papasok na IRA ay maaaring mas mababa kaysa karaniwan dahil sa pandemyang COVID-19.

Dahil dito, nagbabala si Abalos sa posibleng pagkaantala sa mga serbisyo ng gobyerno sa lokal na antas dahil ang mga LGU ay gumagawa ng mas maraming proyekto ngunit may mas maliit na budget.

Kasabay nito, sinabi ni Abalos, nais din niyang suriin ang patakaran sa mga electric tricycle nang tanungin siya tungkol sa regulasyon sa pagpaparehistro at pasahe ng e-trikes.

“Siguro pag-usapan na lang namin ito kasi usually ang jeepneys ay talagang nasa (Land Transportation Office). Ang tricycle ay sa LGU, kaya itong mga e-trike ay dapat nasa LGUs,” paliwanag ng kalihim.

Dagdag ng DILG chief, pinahintulutan lamang ang paggamit ng e-trikes noong magsimula ang COVID-19 pandemic dahil sa kakulangan ng available na public utility vehicles (PUVs). (ALMAR DANGUILAN)

About Almar Danguilan

Check Also

RDF geocycle Holcim Angono Rizal

Sa Angono, Rizal
BASURA GINAMIT BILANG GASOLINA

KASALUKUYANG gamit ng lokal na pamahalaan ng Angono, sa lalawigan ng Rizal, ang modernong teknolohiya …

road accident

Sa Isabela
2 KAWANI NG DA PATAY SA KARAMBOLA NG 3 SASAKYAN

HINDI nakaligtas sa kamatayan ang dalawang empleyado ng Department of Agriculture – Cordillera nang banggain …

Arrest Posas Handcuff

Rank No. 1 MWP ng Southern Leyte tiklo sa Bulacan

INARESTO ang isang lalaking nakatala bilang Rank no. 1 most wanted person (MWP) ng Southern …

Bocaue Bulacan Fireworks Rodolfo Azurin Daniel Fernando

Bulacan Fireworks capital sa Bocaue ininspeksiyon ng pulisya, Kapitolyo

DALAWANG linggo bago ang holiday season, ang Bulacan provincial government sa pakikipagtulungan ng Philippine National …

Bulacan

Sa ika-22 Gawad Kalasag
“BEYOND COMPLIANT SEAL OF EXCELLENCE” IGINAWAD SA BULACAN

NILAMPASAN ng lalawigan ng Bulacan ang pamantayan para sa pagtatayo at pagresponde ng Local Disaster …