Wednesday , October 5 2022
Lani Cayetano Taguig Signal Village School

F2F classes binisita ng LGU chief

PERSONAL na binisita ni Taguig City Mayor Lani  Cayetano, ang mga mag-aaral sa Signal Village National High School na binuksan ang klase para sa School Year 2022-2023 kahapon, 22 Agosto 2022.

Kabilang sa bumisita sina DepEd TaPat Schools Division Superintendent Dr. Margarito Materum, School Governance and Operations Division (SGOD) Chief Danny Espelico, at Councilor Marisse Balina-Eron ang mga mag-aaral.

Naging maayos at matiwasay ang pagsalubong ng mga estudyante sa unang araw ng pasukan sa iba’t ibang paaralan sa lungsod na binisita rin ng ilang  lingkod-bayan. Ang kaayusan sa unang araw ng pasukan ay dahil sa masusing paghahanda ng mga paaralan katulong ang pamahalaang lungsod.

Pinaalalahanan ni Mayor Lani ang mga guro at mga mag-aaral ng kahalagahan sa pagsunod sa health protocols upang maiwasan ang pagkalat ng COVID-19.

Nagsagawa ng classroom tour ang alkalde sa EM’s Signal Village Elementary School upang malaman ang kalagayan ng mga mag-aaral at mga guro sa paaralan.

Nasa 8,000 ang mga mag aaral na lumahok sa unang araw ng face-to-face classes.

Nagkaroon ng programa ang pamunuan ng Signal Village National High School sa partisipasyon ng ilang estudyanteng nagpakita ng kanilang talento sa pagsayaw, bago pumasok sa sillid aralan.

Ang blended learning ay magtatapos sa 1 Nobyembre 2022 kaya inaasahang sa 2 Nobyembro ay 100% na ang face-to-face classes sa mga public school sa Taguig.

Ayon kay Mayor Lani, mahalagang suportahan ang hakbangin ng DepEd sa isusulong na face-to-face classes. (GINA GARCIA)

About Jaja Garcia

Check Also

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

100422 Hataw Frontpage

Binangga ng SUV saka pinagbabaril riding-in tandem sa Las Piñas
BETERANONG BRODKASTER, KOLUMNISTA ITINUMBA

ni MANNY ALCALA PINAGBABARIL hanggang mapatay ang isang beteranong hard-hitting broadcaster at kolumnista sa diyaryo …

Ika-33 taon ng kooperatiba sa Bulacan ipinagdiwang

Ika-33 taon ng kooperatiba sa Bulacan ipinagdiwang

SA layuning pagkaisahin at isulong ang lahat ng mga koopertiba sa buong lalawigan, sinimulan ng …

Bulacan Recuers Luksang Parangal

Pagkilala at pinansiyal na suporta bumuhos sa limang rescuers na nasawi sa Bulacan

BUMUHOS ang mga pagkilala at pinansiyal na suporta para sa mga bayaning tagapagligtas sa ginanap …

Sta maria Bulacan Police PNP

Pusher na 67-anyos na lolo, kinalawit sa ibibiyaheng ‘bato’

KAHIT malapit ng lubugan ng araw ay nagagawa pa ng isang lolo na gumawa ng …