Friday , May 20 2022
PNP CHOPPER crash Balesin Island

PNP chief susunduin sa Balesin Island
ROOKIE COP PATAY, 2 SUGATAN SA BUMAGSAK NA PNP CHOPPER

ISANG bagitong pulis ang namatay habang dalawang opisyal ang sugatan nang bumagsak ang sinasakyang helicopter ng PNP sa bayan ng Real, lalawigan ng Quezon, nitong Lunes ng umaga, 21 Pebrero.

Pumanaw ang ikatlong sakay ng helicopter na kinilalang si Pat. Allen Noel Ona habang nilalapatan ng paunang lunas ng paramedic rescuer sa crash site.

Sugatan ngunit mapalad na nasagip sa crash site ang dalawang opisyal na pulils na kinilalang sina P/Lt. Col. Dexter Vitug, piloto; at P/Lt. Col. Michael Melloria, co-pilot, at dinala sa Claro M. Recto Hospital sa bayan ng Infanta mula sa Real Municipal Hospital para mabigyan ng karampatang atensiyong medikal.

Nauna nang iniulat na nawawala ang H125 Airbus, may registry number RP-9710 matapos lumipad dakong 6:17 am mula sa Manila Domestic Airport sa lungsod ng Pasay patungo sa Northern Quezon para sa umano’y ‘administrative mission.

Nabatid na patungong isla ng Balesin sa Polillo group of islands ang helicopter upang sunduin si Philippine National Police (PNP) chief, Gen. Dionardo Carlos at ang kaniyang mga kasama.

Dumating ang mga rescue team mula sa PNP, Bureau of Fire Protection at LGU sa crash site sa Brgy. Pandan, sa nabanggit na bayan, dakong 8:05 am upang ilikas ang mga nakaligtas.

Ayon sa ulat na ipinadala sa PNP Command Center, umuulan sa crash site na halos 30 kilometro mula sa town proper ng Real.

Ipinag-utos ng PNP National Headquarters na grounded ang buong fleet ng H125 Airbus Police helicopters habang isinasagawa ang imbestigasyon sa pakikipag-ugnayan sa Civil Aviation Authority of the Philippines (CAAP), at Department of Transportation (DOTr), at iba pang ahensiya. (BOY PALATINO)

About Boy Palatino

Check Also

052022 Hataw Frontpage

Exclusive!
PAUL SORIANO BAGONG PALACE EXECUTIVE

ni ROSE NOVENARIO MAISASALBA na ang karerang muntik lumubog ni multi-awarded film director at mister …

051922 Hataw Frontpage

Hirit sa Korte Suprema,
MARCOS, JR., ‘PAG NA-DQ, ROBREDO ILUKLOK NA PANGULO

ni ROSE NOVENARIO SI VICE PRESIDENT Leni Robredo ang dapat iluklok na ika-17 Pangulo ng …

P3-M Ketamine kompiskado sa Taiwanese

P3-M Ketamine kompiskado sa Taiwanese

ARESTADO ang isang Taiwanese national sa 600 gramo ng ketamine na aabot sa P3,000,000 ang …

The Women Club Nova Villa Tetchie Agbayani Tina Paner

The Woman Club ng Kapitana Media umaarangkada na

I-FLEXni Jun Nardo MAPAPANOOD na onboard ng Emirates at Philippine Airlines ang digi-film na The Women …

Taguig

Sariling eco bags hinikayat sa Taguig mobile market

NANAWAGAN ang local government unit (LGU) sa mga mamimili sa Mobile Market na magdala ng …