Friday , March 29 2024
Arrest Posas Handcuff

Sa Nueva Ecija
5 KRIMINAL TIMBOG, LOOSE FIREARMS ISINUKO

SA PAGPAPATULOY ng kampanya laban sa krimen sa lalawigan ng Nueva Ecija, nasakote ng mga awtoridad ang limang kriminal at nasamsam ang dalawang baril mula sa kanila, nitong Linggo, 20 Pebrero.

Ayon kay P/Col. Jess Mendez, acting provincial director ng Nueva Ecija PPO, nagsagawa ang mga tauhan ng Lupao MPS ng anti-illegal drugs buy bust operation sa Brgy. Parista, sa bayan ng Lupao kamakalawa.

Nadakip sa operasyon ang suspek na kinilalang sina alyas Andith, 56 anyos, biyuda, at residente sa Brgy. Sto. Niño 3rd, San Jose, Nueva Ecija, nakompiskahan ng 0.20 gramo ng shabu na tinatayang nagkakahalaga ng P1,200; isang unit ng Phoenix keypad cellular phone; at isang unit ng Kawasaki CT Bajaj 100.

Samantala, naaresto ng mga tauhan ng Gabaldon MPS ang tatlong mananaya sa tupada sa Brgy. Macasandal, sa bayan ng Gabaldon.

Nasamsam sa kanila ang dalawang manok na panabong, dalawang tari, apat na cock box, limang piraso ng suture needle, dalawang mototrsiklo, at perang taya na P1,920 ang halaga.

Nakatakdang sampahan ng mga naaangkop na kasong kriminal at paglabag sa RA 9165 (Comprehensive Dangerous Drugs Act of 2002) at PD 1602 (Illegal Gambling) laban sa mga arestadong suspek.

Gayondin, nagkasa ang mga elemento ng Palayan CPS, Daraga MPS (PRO5), at Special Forces Regiment ng Manhunt Charlie operation sa Fort Magsaysay, Brgy. Militar, sa lungsod ng Palayan na nagresulta sa pagkakaaresto ng isang service man na residente sa Brgy. Badian, Oas, Albay sa paglabag sa RA 7610 at kasong Rape.

Dinala ng mga tauhan ng Daraga MPS ang suspek pabalik sa lalawigan ng Albay para sa kaukulang disposisyon.

Samantala, boluntaryong isinuko ang isang sumpak na walang serial number at isang pirasong 12-gauge na bala sa himpilan ng Talugtug MPS; at isang homemade shotgun na walang serial number ang isinuko sa Cabanatuan CPS bilang bahagi ng Balik-Baril Program ng PNP. (MICKA BAUTISTA)

About Micka Bautista

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …