Wednesday , May 29 2024

Bebot pinaputukan sa batok sa Kyusi

DALAWANG tama ng bala ng baril sa batok ang tumapos sa buhay ng isang hindi pa kilalang babae na natagpuang duguang nakahandusay sa Barangay Holy Spirit, Quezon City, nitong Huwebes ng madaling araw.

Inilarawan ang biktima na nasa edad 16 hanggang 25 anyos, may taas na 4″8, payat, nakasuot ng pulang jacket, blue maong pants at nakatsinelas.

Sa report ng Criminal Investigation and Detection Unit ng Quezon City (CIDU-QCPD), bandang 1:30 am, nitong 16 Disyembre), nang makita ang bangkay ng babae sa harapan ng No. 7 Samat St., Garcia Heights, Barangay Holy Spirit, QC.

Sa imbestigasyon ni P/SSgt. Nido Gevero, Jr., ng CIDU, naglalakad ang isang kinilalang si Teresa sa lugar nang makita ang nakabulagtang katawan ng babae sa nasabing lugar kaya agad niyang inireport kasama ang kapitbahay na si Jomar sa purok lider na si Alex Diamla.

Agad ipinagbigay-alam ni Diamla sa mga awtoridad ang nasabing insidente, na aniya ay wala sa kanilang barangay ang makapagsabi sa pagkakakilanlan ng biktima.

Ayon sa SOCO Team na pinamumunuan ni P/SMSgt. Federico Manzano, ang biktima ay may dalawang tama ng bala ng hindi pa batid na kalibre ng baril sa batok.

Ang bangkay ng biktima ay dinala sa Punerarya ni Nards at hanggang sa kasalukuyan ay wala pa umanong nagke-claim na pamilya.

Hinala ng pulisya, sa ibang lugar pinatay ang biktima at sa nasabing lugar itinapon dahil wala umanong narinig na mga putok ng baril ang mga residente roon.

Masusi nang nagsasagawa ng imbestigasyon ang mga awtoridad at inaalam kung may mga CCTV camera sa paligid kung saan natagpuan ang bangkay ng na posibleng maging susi upang matukoy ang salarin. (ALMAR DANGUILAN)

About Almar Danguilan

Check Also

SSS, Bocaue LGU lumagda sa MOA para sa social security coverage ng JO workers

SSS, Bocaue LGU lumagda sa MOA para sa social security coverage ng JO workers

IPINAHAYAG ng Social Security System (SSS) na mahigit 800 job order (JO) na manggagawa sa …

Sa Bulacan 3 TULAK, 1 PUGANTE NASAKOTE NG PNP

Sa Bulacan  
3 TULAK, 1 PUGANTE NASAKOTE NG PNP

Arestado ng Bulacan PNP ang tatlong nangangalakal ng droga at isang pugante sa isinagawang anti-crime …

Quezon Provincial Police Office Lucena

8 intel officer arestado sa palpak na drug raid

CAMP VICENTE LIM, LAGUNA — Walong intelligence officer ang inaresto ng kanilang mga kasamahan sa …

shabu drug arrest

 6 tulak ng droga, timbog sa buybust

BAGSAK sa kulungan ang anim na hinihinalang drug personalities matapos malambat ng pulisya sa magkakahiwalay …

Arrest Caloocan

Wanted sa kasong Murder
MISTER HOYO SA KANKALOO

ARESTADO ang isang mister na wanted sa kaso ng pagpatay sa isinagawang manhunt operation sa …