Sunday , October 24 2021

Magnitude 6.6 lindol yumanig sa Batangas (Dama sa buong Luzon)

NIYANIG ng magnitude 6.6 lindol ang bayan ng Calatagan, sa lalawigan ng Batangas, nitong Sabado ng umaga, 24 Hulyo, na sinundan pa ng afterschocks.

Sa kanilang earthquake bulletin, sinabi ng Philippine Institute of Volcanology and Seismology (Phivolcs), naganap ang tectonic earthquake dakong 4:49 am na may lalim na 116 kilometro.

Agad itong sinundan ng magnitude 5.5 na pagyanig dakong 4:57 am na may lalim na 107 kilometro.

Dagdag ng Phivolcs, walang inaasahang pinsala mula sa dalawang insidente ng pagyanig.

Samantala, ramdam ang Intensity 5, na itinuturing na malakas ng Phivolcs, sa lungsod ng Calapan at Puerto Galera, sa Oriental Mindoro; Sablayan at Magsaysay, Occidental Mindoro; Carmona, at mga lungsod ng Tagaytay at Dasmariñas, sa Cavite.

Naitala ang Intensity 4 o katamtaman hanggang sa malakas na pagyanig sa mga lungsod ng Quezon, Marikina, Maynila, Makati, Taguig, Valenzuela, at Pasay; lungsod ng Tagaytay, Cavite; mga lungsod ng Batangas at Talisay, Batangas; at San Mateo, sa Rizal.

Ramdam ang Intensity 3 o mahinang pagyanig sa mga lungsod ng Pasig, at San Jose del Monte, sa lalawigan ng Bulacan.

Ayon kay Mark Timbal, tagapagsalita ng National Disaster Risk Reduction and Management Council, walang naiulat na pinsala sa mga lalawigan ng Batangas at Marinduque.

Samantala, iniulat ni Lubang Island, Occidental Mindoro Mayor Michael Lim Orayani sa Regional Disaster Risk Reduction Management Council-MIMAROPA na may naitalang mga pinsala sa kanilang bayan ngunit walang naiulat na namatay.

Ani Orayani, nagdulot ang lindol ng malaking pinsala sa dalawang bahay sa isla at minimal na pinsala sa 11 iba pang bahay.

Walang naitalang namatay sa mga lalawigan ng Romblon at Palawan.

Matapos ang lindol, pansamantalang ipinatigil ang operasyon ng mga railway system sa Metro Manila upang masuri kung may pinsala dito. (KLGO)

About Karla Lorena Orozco

Check Also

102221 Hataw Frontpage

Bato kabado sa ICC probe vs drug war killings sa PH

ni ROSE NOVENARIO IBINISTO ni Pangulong Rodrigo Duterte na kabado si dating PNP chief, Sen. …

Blind Item, Woman, man, gay

BF ni sikat na aktres boylet din ni batang matinee idol

ANO kaya ang sasabihin ng magaling at sikat na aktres kung makakarating sa kanya ang tsismis …

Aiko Best Supporting Actress sa 34th Star Awards for TV

Aiko Best Supporting Actress sa 34th Star Awards for TV

MA at PAni Rommel Placente ITINANGHAL na Best Supporting Actress si Aiko Melendez para sa mahusay niyang …

‘Party drugs’ distributor sa Bulacan, atbp., timbog sa Marikina

NAKOMPISKA ang may 103 piraso ng ‘ ecstasy ’ na tinatayang nagkakahalaga ng P185,400 mula …

Chest X-Ray

Mga empleyado ng Kapitolyo, PDLs sa Tanglaw sumailalim sa libreng TB screening, chest x-ray

SA LAYUNING mahanap ang mga may aktibong Tuberculosis (TB), maipalaganap ang kaalaman, at mabawasan ang …

Leave a Reply