Monday , August 8 2022

Ex-Palawan gov Reyes sumuko sa Sandiganbayan

SUMUKO si dating Palawan governor Joel Reyes makaraan iutos ng Sandiganbayan ang pag-aresto sa kanya dahil sa graft kaugnay sa mining permit case.

Ang dating local government official ay nagtungo sa Sandiganbayan 3rd Division pasado 3:00 pm kahapon.

Nauna rito, nagpalabas ang anti-graft court ng warrant of arrest laban sa kanya dakong umaga kahapon.

Ang order ay ipinalabas halos isang buwan makaraan siyang palayain mula sa pagkaka­kulong dahil sa pagpaslang kay radio host at environmentalist Gerry Ortega.

Pinagtibay ng Sandiganbayan Third Division ang August 2017 ruling na naghatol kay Reyes ng pagkakakulong nang anim hanggang walong taon dahil sa pag-apruba sa permit ng small-scale mining company.

Kasabay nito, ipinawalang-bisa ng korte ang kanyang piyansa dahil sa kanyang pagtakas mula sa bansa makaraan siyang kasuhan sa 2011 murder kay Ortega.

Tumakas si Reyes sa Thailand noong 2012 bagama’t may inilabas na hold departure order laban sa kanya.

Siya ay naaresto noong 2015, ayon sa Sandiganbayan.

Magugunitang ipinawalang-bisa ng Court of Appeals ang pag-aresto kay Reyes dahil sa murder bunsod ng kawalan ng ebidensiya na nagsasangkot sa kanya sa pagkamatay ni Ortega.

Si Ortega ay binaril at napatay habang namimili sa Palawan.

 

About hataw tabloid

Check Also

P120-K shabu nasabat live-in partners nasakote

P120-K shabu nasabat live-in partners nasakote

NASAMSAM ang P120,000 halaga ng hinihinalang shabu mula sa live-in partners sa ikinasang drug buy …

Sa Rizal P1.1-M DROGA NASABAT 6 HVI SWAK SA SELDA

Sa Rizal
P1.1-M DROGA NASABAT 6 HVI SWAK SA SELDA

DERETSO sa kulungan ang anim na nakatalang high value individual (HVI) makaraang makompiska sa kanila …

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Leave a Reply