Wednesday , May 29 2024

Murder vs 3 killer police (Sa pagkamatay ni Kian)

KASONG murder ang isasampa ng pamilya ng 17-anyos na si Kian Delos Santos laban sa tatlong pulis na sangkot sa pagkamatay ng binatilyo noong 16 Agosto sa Libis, Baesa, Brgy. 160, Caloocan City.

Ito ang pahayag ni Public Attorney’s Office (PAO) chief Persida Rueda-Acosta sa kanyang pagtungo sa burol ni Kian kahapon ng umaga.

Sinabi ng PAO chief, hiniling sa kanila ng pamilya Delos Santos ang re-autopsy dahil wala silang hawak na kopya ng autopsy report mula sa Philippine National Police (PNP) kaya isinailalim ng PAO Forensic Laboratory ang proseso sa bangkay ni Kian, sa pangunguna ni Dr. Erwin Erfe.

Nakita aniya ang mga sugat o trajectory ng dalawang bala sa ulo at isa sa likod makaraan ang apat oras na autopsy, na ang ibig sabihin ay mismong mga sugat ng binatilyo ang ‘magsasalita’ bilang ebidensiya na walang nakitang bakas ng panlalaban.

Ayon kay Acosta, hawak nila ang mga nakuhang basyo ng bala na nagmula sa cal. 9 mm, cal. 45 at cal. 38 baril at ang tsinelas na suot nang mapatay si Kian.

Nabatid na patuloy ang pagsisisyasat ng National Bureau of Investigation (NBI) habang ang PNP-Criminal Investigation and Detection Group (CIDG) ay pumasok din sa imbestigasyon sa kaso ni Kian.

Samantala, hinamon ni Mang Saldy, ama ni Kian, si PNP Chief, General Ronaldo “Bato” Dela Rosa na magpunta sa lugar nila para alamin ang katotohanan kaugnay sa akusasyong siya ay adik at handa aniya siyang sumailalim sa drug test kung hihilingin ng PNP.

ni ROMMEL SALES

About Rommel Sales

Check Also

052824 Hataw Frontpage

Para sa firetrucks at emergency medical equipment,
P2.88-B PONDO NG DILG-BFP IPINALABAS NI PANGANDAMAN

INIUTOS ni Budget Secretary Amenah “Mina” Pangandaman ang agarang pagpapalabas ng kabuuang P2.880 bilyon sa …

052824 Hataw Frontpage

Ipinagkanulo ng nalaglag na belt bag  
‘GUNMAN’ SA LTO EXEC AMBUSH ARESTADO

ni ALMAR DANGUILAN ITINUTURING ng Quezon City Police District (QCPD) na lutas na ang pagpaslang …

Tacloban Leyte

Anti-government rally ng Maisug pumalpak

KINANSELA ng Maisug anti-government rallyists ang kanilang protesta sa Tacloban City sa Leyte province makaraang …

Drug den sinalakay MAINTAINER, 3 GALAMAY TIKLO

Drug den sinalakay
MAINTAINER, 3 GALAMAY TIKLO

Sinalakay ng mga tauhan ng Philippine Drug Enforcement Agency (PDEA) ang isang lugar sa lungsod …

Designers, mga mananahi ng Gitnang Luzon target tulungan ng ‘Pustura’ Fashion Show ng DTI

Designers, mga mananahi ng Gitnang Luzon target tulungan ng ‘Pustura’ Fashion Show ng DTI

MATAGUMPAY na idinaos ng Department of Trade and Industry (DTI) ang pasinayang pagtatanghal ng ‘Pustura,’ …

Leave a Reply

Your email address will not be published. Required fields are marked *