Friday , April 19 2024

Federalismo dapat unawain ng barangays

NANAWAGAN si District 1 Councilor Peter Anthony “Onyx” Crisologo ng Quezon City sa lahat ng mga opisyal ng 142 barangays ng nasabing lungsod na “unawain muna ang magagandang layunin ng pagbabago ng sistema ng pamahalaan tungo sa Federalism” sa ilalim ng Duterte administration.

“Ang Partido Demokratiko Pilipino-Lakas ng Bayan ay inaabot ang aming mga kamay sa bawat mamamayan sa pamamagitan ng pagdaraos ng Basic Orientation to Party Principles and Federalism tungo sa lubos na kaalaman kung bakit kinakailangan ng pagbabago,” saad niya.

Bilang pangulo ng PDP-Laban sa District 1, hinihikayat niya ang publiko na magkaroon nang aktibong partisipasyon sa malalalim at matalinong talakayan at konsultas-yon upang ganap na maunawaan ang mga benepisyo maidudulot ng pederalismo hindi lamang sa Lungsod Quezon, kundi maging sa buong Filipinas.

Naniniwala ang konsehal, sa ilalim ng  pederalismo ay maiaangat ang ekonomiya ng bansa, lulutasin ang matinding kahirapan, magdudulot ng kapayapaan at pantay-pantay na kapangyarihan at yaman, at tutugunan ang pag-unlad ng Mindanao.

Sa pag-anyaya ng isang opisyal ng PDP-Laban sa District 6 noong nakaraang Hunyo 30, tinalakay ni Crisologo sa harap nina punong barangay Carlos Apo ng Barangay Sauyo at iba pang opisyal, senior citizens at representante ng iba’t ibang non-government at people’s organizations ang ideolohiya na itinutulak ng PDP-Laban tungo sa good governance.

Nitong nakaraang buwan, naimbitahin ni Angelo Mendoza, pangulo ng PDP-Laban sa District 2, si Crisologo sa pagdaraos ng Basic Orientation to Party Principles and Fe-deralism sa pagtitipon ng mahigit 800 kalahok na kinabibilangan ng mga punong barangay at iba pang opisyal mula sa barangays Holy Spirit, Batasan Hill, Commonwealth, Bagong Silangan at Payatas na ginanap sa Ever Gotesco mall sa Commonwealth Avenue.

“Nandoon po ako upang ipaliwanag ang layunin ng partido sa ilalim ng Duterte administration, at kung paano ang bawat isa sa atin ay maaaring makatutulong sa pamamagitang ng aktibong partisipasyon sa mga ganitong klase ng usapan, instead of criticizing the government,” diin ni Crisologo.

(RAMON ESTABAYA)

About Ramon Estabaya

Check Also

Bong Revilla, Jr

Revilla tuloy ang serbisyo-publiko sa kabila ng aksidente

“SALAMAT sa mga nag-aalala kung ano ang nangyari sa akin, pero nasa mabuti na akong …

Lobo Batangas

Sa Batangas 
PAGLAGANAP NG ILEGAL NA SUGAL SA LOBO IKINABAHALA NG BUSINESSMEN

LUBOS na nababahala ang grupo ng mga negosyanteng kinabibilangan ni Efren Ramirez sa isyu ng …

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Leave a Reply

Your email address will not be published. Required fields are marked *