HATAW! D'yaryo ng Bayan hatawtabloid.com
Tatahi-tahimik lang itong si Direk Reyno Oposa, ‘yun pala. may tatlong movie offers siya sa Filipinas para i-direk ngunit kanyang tinanggihan.
Valid naman ang reason ni Direk Reyno kung bakit ni isa sa alok sa kaniya ay wala siyang tinanggap kasi ayaw niyang mapahamak ang kanyang mga artista at mga tao sa production.
Kung ang mga big TV networks nga raw ay paurong-sulong ang lock-in taping dahil marami na ang nahahawa at nagkakasakit ng CoVid-19, sila pa kaya na independent producers lang.
‘Yung movie ni Direk na Taras na last February pa ang shooting ay medyo maayos-maayos pa noon ang sitwasyon sa Filipinas pero ngayon ay sobrang nakatatakot na kaya kaysa isugal ang kaligtasan ng mga artista niya ay minabuting huwag na itong gawin ng kaibigan naming director.
Last May 14 nga pala ay nagpa-vaccine na si Direk sa Canada.
Well marami ng natapos na movies si Direk Reyno, tulad ng Agulo: Sa Hinagpis ng Gabi nina Kristoffer King at Janice Jurado, Silab, etc. At itong Taras na pinagbibidahan ng anak ni Rosanna Roces na si Dennis Cruz.
Lahat ito ay hindi pa naipapalabas sa sinehan. Pero sa nais mapanood ang mga nabanggit na pelikula ay bumisita lang sa official YouTube channel ni Direk na Reyno Oposa.
VONGGANG CHIKA!
ni Peter Ledesma
