Anim na blokeng marijuana nasakote sa tauhan ng BoC

TIMBOG  sa mga oepratiba ng Manila Police District (MPD), ang isang lalaki na nagpakilalang Customs representative nang mahulihan ng anim na bloke ng marijuanana, may street value na P240,000  sa isinagawang buy bust operation sa Malate, Maynila, kamakalawa ng umaga.

Sa ulat ng MPD, ang suspek ay kinilalang si John Louise Camacho, alyas Budz, 24 anyos, binata, at nakatira sa #1881 Modesto St., Malate, Maynila.

Base sa ulat, ikinasa ang buy bust dakong 7:20 am nang madakip ng mga tauhan ng Station Drug Enforcement Unit si Camacho sa loob ng kaniyang bahay sa Malate nang magbenta ng isang plastic sachet ng marijuana sa isang pulis na nagpanggap na  poseur buyer.

Nasamsam ang anim na bloke ng marijuana na tinatayang nasa dalawang kilo at P100 marked money.

Sinampahan ng kasong paglabag sa Republic Act 9165 o Comprehensive Dangerous Drugs Act of 2002 sa Manila City Prosecutor’s Office ang suspek. (BRIAN BILASANO)